قصة سحر الفراعنه ؟؟؟

[حافي]

ناصر الفراعنة الشاعر المعروف كان مريضاً بسحر أو مس وهو ما بينه في أحد قصائده وقد عافاه الله وهذا سر وجود الجن في قصائده وترددها دائماً في أشعاره

ففي مقدمة القصيدة يحكي الشاعر عن (نوت) وهي من الجن ويشكي من السحر فهو كان مسحور حين يقول في قصيدته

خبيثٍ من بني عمي سقاني حامض الكبريت = قرت وسطه عجوز من ذوي حضرم ظفاريه

فهو يحكي عن سحره والمدة التي كان مسحوراً فيها لا أحب أن أطيل
سأترككم مع القصيدة

علـى قبـر اليتيمـه( نـوت) ثوبـي بالخـلا شقـيـت = ذكـرت الله وشبـت فـي ضلوعـي حـرب أهلـيـه
عقـب وتـر السبـع والخمـس والتسبيـح والتسميـت = طيـور المـا علـى سلمـى تغنـي (طـاق طاقـيـه)
علـى باقـي عـرق ساقـي زجاجـة كاهـنٍ شميـت = علـى قرنـة حجاجـه نجـمـة السـبـط اليهـوديـه
على الجنـب التهامـي لبسونـي خرقـةٍ مـن زيـت = تلالـى مثـل واري جمـرةٍ فـي حـوض صفـريـه
علـى ساقـة ملـوكٍ مـن بـلاد الرافديـن اضحيـت = أركّـب سـن واقلـع سـن لــو مـالـه ولا لـيـه
وفي ريشـة جنـاح ٍ مـن حمـام الأخشبيـن أوديـت = أمـذرع شـان واقـرع شــان وآبـرقـعها نصيـريـه
وعلى ظهر النعامة سافـروا بـي سبعـةٍ مـن هيـت = إلـى أعتـى شعـوب الأرض الادنـيـه والاقصـيـه
ذبحـت العبـد الادريسـي ونجـل الطاغيه(حبريـت) = بأرض المغـرب الأقصـى طبخـت مـن اللحـم نيـه
على تابوت نـوت احيـا وامـوت افنيـت مـا ابقيـت = ضربـت الطـار واجتاحـت عبيـد الـزار كونـيـه
علـى قبـر اليتيمـه نـوت أجـدد حسرتـي لاجيـت = واقـبّـل ضاحـكـات الـمـوت تحتـيـه وفوقـيـه
على شانك يانوت اعميـت خطـلان البشـوت اعميـت = أقــارع كــل ذو ســدٍ وذو خـــدٍ وكـوفـيـه
على شانـك ينـوت ادميـت روس الخاينيـن ادميـت = أسـرّج مـرْج أمـرّج ســرج علـويـه وسفلـيـه
على شانـك ينـوت اضـرب بحـد مصقـلٍ إصليـت = وكدنـا ننتـهـي لــولا خيـانـة عـيـد الألفـيـه
خبيثٍ مـن بنـي قومـي سقانـي حامـض الكبريـت = قرت وسطـه عجـوز ٍ مـن ذوي حضـرم ظفاريـه
وبسم اللـي لهـول اسمـه تزلـزل منبـر السوفيـت = نحرهـا اعلـى ظهـرهـا جـبـةٍ بالـسـم مطلـيـه
ثـلاث دهـور اصـارع نافثـات الـزرو ماذلـيـت = أغيّـب شمـس وادفـن رمـس والأصنـام مرمـيـه
ثلاث ازمان أداقـش مسرجـات الجـان فـي تكريـت = ثـلاث ازمـان تمـرخ لـي ملـوك الجـان رجليـه
ثـلاث سنيـن اعافـر نافخـات الطـيـن ماولـيـت = ثـلاث سنـيـن أكـفـن قـاريـات التـيـن بيـديـه
وثـلاث شهـور ألاعـي نـازلات الطـور مامليـت = أجـاوب جنـب خيمـة ضاربـات الطنـب طبلـيـه
وثـلاث ايـام تنعانـي سرايـا يـام ليـن اصغـيـت = أقــدم كــوع اوخــر كــوع يابـيـي ويابـيـه
لـذي الفيـروز سـادٍ معـبـد النـيـروز مالبـيـت = لغيـر الـواحـد المعـبـود مــا أبـديـت مافـيـه
بوادي برك طارت بـي حرايـر تـرك يـوم امسيـت = أعاشـر ليـل عاشـر كــل ذي حـمـرا نميـريـه
طباين سبك تدبـك دبـك سـاع اقبلـت سـاع اقفيـت = لسـردٍ شـرد جـردٍ مـرد اصيّـح كــل قيسـيـه
ببطـن القـرش اعشّـي حايمـات العـرش ماغديـت = وحرش الطـرش اورّدهـا قليـب الهـرش عصريـه
بوجه الحـوت جـل اللـي خلقنـي ضيغـم ٍ صنتيـت = هزبـر ماتحـرك مـنـه سـاكـن ألــف سكنـيـه
ورب البيـت ماخلـيـت منـهـم بـيـت ماهـديـت = أهــدّم دور وابـنــي دور والآيـــات متـلـيـه
هـل المزمـار عبّـادة لـسـان الـنـار والباكـيـت = بنـي الإفرنـج قـوم ٍ مـن فـروج الـزنـج مبلـيـه
بكى سابور ذو الأكتـاف فـي قصـر الملـك بلهيـت = علـى نيكـل سقيفـة عـابـد الهيـكـل ضحـاويـه
تغطرس بطرس النقـرس وجينـا لـه علـى التوقيـت = من ارض الفرس وارض الـروم جبنـا القـوم منهيـه
بعمـا والنبـا والخمـس مـن سـورة سبـأ شـديـت = بقـوة ماتـواتـر فــي اللـيـال العـشـر مكـيـه
أقمنـا دولـة الأيتـام مـن حـلـي إلــى حلـيـت = وآخــر عهـدنـا مــا أوردَت ليـلـى الأخيلـيـه
وانا ما هاضني فيمـا علـى بيـض الـورق خطيـت = شجـاع ٍ لقبـوه (أحمـد) ولــه شلـفـا وشبـريـه
أعرف أحمد إلى جاء جـاء وانـا لاشلـت ماحطيـت = تحامينـا علـى وضــح النـقـا والأرض محمـيـه

.................................................. ..................................

[ناصر بن سعود]

مشكور حافي

الله يعطيك العافية

تقبل مروري

[منصور سالم حبيليص]

حافي

أشكرك على القصيدة المرعبة

أشوى أني سميت بالرحمن قبل ما أقراها !!

ننتظر جديدك يا غالي .

[ماجدبن متعب]

مشكور على القصه والقصديه
ورح ارجع لها مره ثانيه حتى ادقق فيها زين
تحياتي لك اخوي

[شلوة الكفار]

حافي والله انه جني

بس الرجال مابينن عليه شي

نقيب في الجيش

[ابن وافي]

مشكوووووووووووووووووووووووووووووووور حـــــــــــــــافي


علي ذا المعلومه الي تروع



ودمت بود،،،،،،،،،،،،،،،