مجموعة انسان

[مطلق عبدالله الصقري]

= مجموعة انسان
يا سألي عن حالتـي كيـف غلطـان=مابـه اجابـه تقنعـك فـي حيـاتـي
انا حياتي كلهـا احيـان فـي احيـان=مادري وش اللي يعجبك مـن شتاتـي
اعيش في وادي وانا اكون فـي ثـان=متخالف(ن) ذات العرب مـع ذواتـي
احيان احـب الكـل واصيـح ولهـان=جلسه بقرب الناس اقصـى امنياتـي
واحيان حب البعد فـي ناظـري زان=ودي اسـج بعيـد عـن ذكريـاتـي
ياكن مالي في البشر ربـع واخـوان=مقفـي وربعـي عزبتـي والصلاتـي
واحيان احب انسج من النور قيفـان=كـم ليلـة سـودا كستهـا عبـاتـي
واحيان احس الشعر ماله معي شـان=اسـج مـن كتبـه بذكـرى وفاتـي
واحيان اشن الحرب من صهوة حصان=وغيـري ذليـل وماسكلـه وصاتـي
واحيان احب السلـم واقـول لبنـان=مثلي تحـب السلـم فـي المشكلاتـي
واحيان احب الجوع لاصرت شبعـان=واكسر كبـر نفسـي بذكـر العراتـي
ودي بعرش الارض مع مملكـة جـان=ودي اجـرب كيـف قبـل الفـواتـي
متغطرس(ن) متواضع اشكال بالـوان=كل من قرانـي ضـاع جـو فلاتـي
عارف بان الخلق فان(ن) وانـا فـان=يالله يـوم الحشـر يسـر نجـاتـي
اروح واعـود علـى غيـر برهـان=متناقض(ن) مادري وشنهي صفاتـي
=مطلق عبدالله الصقري

[نايف بن مزيد]

ابو مالكــ

قصيـده جـزلـة مـن شـاعـر جـزل....

ننتظـر جديدكـ يابو مـالكـ

[الضاوي]

صح لسانك أبو عبد الله

[سعود بن سعد الحافي]

صح لسانك يا بو عبدالله

ولاهنت

***********

[شباب الحافي]

ابومالك

صح لسانك

على القصيدة الجزله

وتقبل مرورى

[مطلق عبدالله الصقري]

=اخواني ابو ريم .....سعود.....الضاوي.....شباب..الف شكر على مروركم الراقي

توقيع : مطلق عبدالله الصقري

[ناصر بن سعود]

صح لسانك ياكحيلان

قصيدة جزلة من شاعر جزل

الى الامام

احترامي

[نايف مطلق بن مصيبيح]

صح السانك

ننتظر جديدك

ابو مالك

[محمد متعب الحافي]

[

= انا حياتي كلها احيان واحيان = مدري وش اللي يعجبك من شتاتي
= نعم توقفت هنا كثيرا واجبرني الوقوف على اضافة شي من الواقع
=امام هذا البيت ------------ومن هنا
انا حياتي كلها احيان واحيان = مدري وش اللي يعجبك في شتاتي
=.........................
ياصاحبي واحلى القوافي والاوزان = لرضاك يا مطلق من بعيد تاتي
بس اانت لا تنشد عن فلان وفلان = ولا تكثر النشدة وتنسى وصاتي
الشعر ماكر حر وانته كحيلان = ما تفعل يمينك من المعجزاتي
وليا بغيت العلم ياطير حوران = من راس عود" ذكر طيبه غناتي
واسلم وسلم لي على هاك الاوطان= هي ديرتي وهي الوطن في حياتي
ديرة هلي واعصابتي يا بليهان = واغلى مواعيدي وكل امنياتي
والشاعر اللي تطربه غر الامزان = لا يلحق بيوت القصيد الشماتي
قله يامطلق والشعر قدر الامكان= لو ما كتبته صار سبة وفاتي
= واف شكر للجميــــــــــــــــــــــــــــــــــــع = والله ولي التوفيــــــــــــــــــــــــــــــــــــــــــــق
=محمد متعب الحافي

[/poem][/poem]

[مطلق عبدالله الصقري]

يا مرحبا واعداد ما هل ودان = وبل القصيد اللى نعده نواتي
جتني بيوتك يا محمد على شان = قصيدتن في النت صاغة حياتي
عشرة بيوتن كلبوها على ان = مادري وش اللى داخل الان جاتي
لكنها جتني وانا صرت حيران = اردها ولا احفظ الوصاتي
ون عاش راسك يا رفيقي ترى بان = في شاطي الراحه بادور غناتي
والديره اللى كلها ربع واخوان = اهل الكرم والطيب واهل الصلاتي
من جدنا مهيب مطمع لعدوان = ولا احدن غزاها ثم طمع بالنجاتي
وصلتها منك سلامن بقيفان = وتقول خله يمنا اليوم ياتي

رد على اخوي الاكبر سنا.. وقدرا..وشعرا ............محمد متعب الحافي