ااالخــــــــــــــــــــــــــوه

[محمد متعب الحافي]

ليا صرت تملك طيب خوه وميثـاق = وتــقــدر الرفـقـه وتـرفـا زللها
ومعود" نفسك على طيب الاخـــلاق = ومكانتك لو كان مااحد" وصلها
وراك تقطع في العلاقة والاشــــــواق = وتبرح عيوني وانت سبة زعلها
وتشجب وتستنكر مواصيل وفــراق = وتقتل نفوس" مومنه قبل اجلها
وتجحد صوابي .. والكتابـة والأوراق = تــنكـر خزامـاها وريـحة نفلها
وانته تعرف ان الغلا نبض الأعمــاق = وان الوفا سبك الحروف وجملها
وتدري وش اللي يمكن يروق ويـراق = لـو انت يوم تحوسها وتعفـــلها
واكيد ما تجهل مدى شمس الأشراق= وتكرب عنان الشارده وتـعــقلـها
ومن الخطأ لو انت تشعر بلارهــــاق = ترمي بعاتقها على من حملــهـا
والبال ضامـــــي و المطايــا والاذواق = ومـن الولـه.. كــل المضاهير ولــها
وسود الليالي لو توقف على ســـــاق = ما تثبـــت الحجه على غير اهلهـا
وهذي تراها مسألة وقت واقــــــلاق = والمشكـله ذنبي ترى ما شمـــلها
لـكـن تـــدري.. ودع عــروش وافــــاق = وفعلتك مااحد" قبل عرفك فعلهـا
وناهيك تقصر حاجة" يوم تـنــــسـاق = تشفى الغليل وكل كبد تغسلها
لو ما ارتوى غصن ويبس قلب وارياق = ولومك على اللي وقفته ما زهلها
وعينك ولو ما خايلت كل بــــــراق = لا تـقـول سامرت الضلام وكحلها
واعـقـــل ذلــولك واتكل رب الارزاق = وبيض النوايا لا تدور بدلها
وانا متى ماجيــت عانـــي ومشتاق = عودت والشرهه على من كفلهــا
وكانك توقع مابقى حلم ما فــــــاق= لون السعاده كذبةَ" ما احتملهــا
بـس انت دور لـلـعلاقه والاشــــواق = غيري.. ولاتنعى السنين وعملهـــا
وحـــاول تحلـى بالمبـادي والاخــلاق = وبعض الوجيه إن طعتني تعتزلها

محمد بن متعب الحافي

[ناصر بن سعود]

صح لسانك يابومتعب

جزلة من جزالة راعيها

سجل اعجابي

مع فائق ودي واحترامي

[محمد متعب الحافي]

الاستاذ ناصر سعود الحــــــــــــــــــــــــــــــــــــــــــافي
ااااااااااااااااااالف شكر لك
والله يبيض وجهك على المجهود الطيب الذي تقدمة لخدمة هذا
الكيان ------------
والله يجزاك عنا كل خير
وانا مقصر جدا ولكن ااعذرني على تقصيري
وتقبل تحياتي
والله ولي التوفيــــــــــــــــــــــــــــــــــــــــــــ ـــــــــــــــــــــــــق

[نايف بن مزيد]

ابو متعب

صــح لســانكـ ...
مبــدع....

وننتظــر جديدكـ

[maustshar]

صح لسانك يابومتعب ......

[شباب الحافي]

صح لسانك

ابومتعب

على القصيد الجزله

[عاشق الديره]

صح لسانك يابو متعب

[الجذع الروقي]

صح السانك شاعرنا ..

[بدر الحافي]

اخوي محمد

اشهد بالله انك مبدع
راقت لي كثيرا


لاهنت تحياتي لك

[مطلق عبدالله الصقري]

ابو متعب كنت اسمع ان الاعلام ظلم ناس مبدعين والان تاكدت ان هناك مبدعين ومبدعين ومبدعين مظلومين اعلاميا.............انت مبدع