اهداء الى الاخ الفاضل خالد بن عايض

[بدر الحافي]

اهداء الى اخي الفاضل خالد بن عايض الحافي
ويستاهل والله على كل ما قدمه لخدمة هذا الصرح الشامخ

شاح القصيد وصار للمدح حزة=حزة يلوح الشعر في عين راعيه
غصن القصيد هجوس قلبي تهزه=ومن ما استوا الافكار تجني معانيه
اليا بدعت الشعر ياصل متزه=اعطي من حسي وفكري واغنيه
ان ما كتبته جزل ماحرقت رزه=الهزل يلقا غيري الي يسويه
مدحه يجي له فالمناعير مزة=وفي غيرهم لو زان ما الله بحاليه
احدن بضحك السن عنا نكزه=واحدن ب أدبنا يا محمد نراعيه
واحدن لو انا بالسوالف نرزه=لا بد ما ينحاه وقته ويثنيه
واحدن لو انك بالنواظر تخزه=ميت ضمير وقلب ما انته بمحييه
واحدن جذبك بطيب ساسه وعزه=وان كان ما نت بخال ودك بناخيه
حرن من طوال الرقايب مفزه=ليا افرد الجنحان عشا مخاويه
رمحن على العدوان يلحم مقزه=وراعيه فالميقاف ماهوب شانيه
نادر طبع عن كل عيبن منزه=لو فاقدين المرجلة عذربوا فيه
عن امثالهم يا جعل ربي يعزه=خالد ولد عايض على اسمه تسميه
ماهوب خبلن كل خايب يوزه=يولعه فالصبح وعشا يطفيه
الحقد بين ضلوع قلبه يلزه=واقرب قريبن له بشر يبدّيه
هذاك يا جعل المنايا تجزه=لا صار حتى صاحبه ما يدانيه
عزه يابن عايض على الطيب عزه=وانا بعد يارع الطيب اعزيه
جعله فداك بكل لحظه وحزة=من حاضره والامس والا ب ماضيه
قلته وقصدي رد شكر ومعزه=والا سواتك فعل يمناه مغنيه

[نايف مطلق بن مصيبيح]

صح السانك

يابو دباس

ويستاهل ابو عايض

[خالد بن عايض]

ابودباس صح لسانك مليون

ولاهنت يالامير

والشكر لله اللي قدرنا وارضيناكم

والشكر لله الي خلانا نتجمل معك ومع باقي الاعضاء

ومهما سوى خالد بن عايض او اي شخص ينتمي لقبيلة الحفاه يبقى مديون بالكثير لاسمها ورجالاتها الي مثلك وشرواك

ابودباس

الله لايهينك على هالشعور وانا اخوك

وخالد بن عايض هو ايضا ابوراكان وناصر بن سعود وبدر الحافي وكل اعضاء المنتدى


لان هدفنا واحد وهو رفعة المنتدى واسم القبيلة

الله يقدرنا ونتجمل معكم باللي نقدر عليه ونكون عند حسن ظنكم

[[.. البدر ..]]

بدر الحافي

صح لسانك قصيده جزله
ويستاهل ابو عائض الجزل
واسأل الله له التوفيق ويعينه على تلك المسؤوليه

احترامي لكم ,!

[شباب الحافي]

ابو دباس

صح لسانك

مليون

ويستاهل

ابوعايض

كل علم غانم

[ناصر بن سعود]

صح لسانك يابودباس

جزلة ولاتجيب الا الجزل

ولاتمدح الا من يستحق المدح وهذا خبري فيك

ويستاهل خالد بن عايض ولاتوفيه هذه القصيدة

انسان سهر الليال من اجل خدمة هذا الصرح الشامخ ومن أجل أسم قبيلة الحفاة

تعب وانفق الكثير من المال من أجل ان يرضينا ويرضي الكل

ومن هذا الباب أشكر الله اولاً ثم أشكر الأخ خالد بن عايض واقوله الله يجزاك كل خير على ماتسويه

مهما قلنا ومهما كتبنا نبقى مقصرين معك كثير

ابودباس يخونني التعبير

لكن بيض الله وجهك على ماقلت

لأنك قلت اللي في صدورنا وترجمته في قصيدة

احترامي

[بنت قبيلتها]

اي بالله ان سواته فعل يمناه مغنيه
لاهنت يابدر وصح لسااانك قصيده جزله من جزل مبدع
ويستاهل خالد

[النايفه]

صح لسان الشاعر بدر الحافي

ويستاهل المدح ابو عايض

الله يوفقكم

احترامي وتقديري

[المورقي]

صح الســــــــــــــــانك بدر
يستاهل خالد بن عايض

[عاشق الديره]

صح لسانك يابدر ويستاهل خالد