ماهي غريبه غيبة الحي يامات -للنايفه

[النايفه]

بسم الله الرحمن الرحيم

ماهي غريبة غيبة الحي يامات=واجب وحق وكلنا عارفينه
بس الغريبه حي غاب بمتاهات= هو عايشن معنا ولا شايفينه
ماحدته عنا بعاد المسافات=لاشك من دونه قفولٍ حصينه
ذكراه تخطف مني النوم ماابات =لامر طيفه كن عيني بعينه
فاتن ثمان شهور وخمس السنوات= وامه واخوه وكلنا فاقدينه
الليل يشكي للنهارالمعانات = نور القمر قصر على ساهرينه
والشمس فيها من عنا وقتها أهات = احسها من يوم تبزغ حزينه
حتى الجبال الشامخات المنيفات = من كثر حزنه تشتكي للمدينه
و حزن البحر طاغي على الموج بسكات=ماعاد يفرح في قدوم السفينه
و الارض للاحزان فيها علامات= ماعاد تفرح بالسحاب و غشينه
تبكي على الزيزوم راع المهمات =اللي لفعل الطيب تسبق يمينه
مسند ربوعه بالامور الصعيبات = سيف لساعات الخطر ذاخرينه
ياما خذا بالمرجلة من شهادات = فعله كثير من العرب شاهدينه
بس الضروف و بعض الاقدار نكبات= الوقت خان و نكبة الوقت شينه
يالله ياربي بديع السموات = ياواحدٍ في ضيقنا نستعينه
ترجع لنا اللي ليا احتمى العلم بذات = من قو باسه دوم يضحك جبينه

شـــــــــــعـــــــــــر الـــــــنايفــــــــــــه

[االعذووب]

صح لسانك النايفه ابيات مؤلمه الله يرجع الغائب بالسلامه



تقبل مروري مع فائق احترامي

[maustshar]

صح لسانك يالنايفه

قصيده جميله

الف شكر لكي

[بدر الحافي]

الله الله الله
قصيدة جميلة جدا
رغم مافيها من حزن



صح لساانك مليون
مبدعة الى ما لا نهاية

ماتترون مكروه انتم والمسلمين


بالتوفيق

[عاشق الديره]

ابدااااااااااع يالنايفه
قصيده حزينه


صح لسانك

[بنت قبيلتها]

صح لسانك يالنايفه قصيده كتبت بالالم والمعاناه
والله يرد غايبكم ويهديه السبيل

[شباب الحافي]

النايفه

صح لسانك

على القصيدة الجزله

وتقبلى مرورى

[نايف بن مزيد]

النايفــه

صــح لسـانكــ

[الضاوي]

صح لسانك يالنايفه
دائمآ مبدعة

[بعيد المدى]

الله يرجعه لكم ان شا الله سالم وغانم ويلتم شملكم ويفرح نواظركم به

قصيده فيه معنى كثيره من الحزن والوله لمحب

النايفه صح لسانكـ