ابيات وفاء واخلاص للاخ/ناصر بن سعود

[بدر المرشدي]

بسم الله الرحمن الرحيم

هذه الابيات مهداه للاخ الفاضل ناصر بن سعود تقديراً لمايقوم به من جهود ليست بمستغربه عليه وقد مررت على ابيات الاخ العزيز الذي اعجبني في وفاه واخلاصه الاخ الشاعر/النشمي وحاولت اقدم بعض الشي والا كما يقال العين ماتعلا على الحاجب النشمي شاعر نتعلم منه ومن امثاله وتقبلوا تحياتي

قاف(ن) قريته واعجبتني معانيه=و إعجبت في مضمونه اللي قريته
للشاعر النشمي عسى الله يعافيه= في ناصر اللي شع بالطيب صيته
شايع وكل (ن)يعرفه ماجهل فيه= نادر حرار(ن)عالي الرجم بيته
من لاد حافي مبعدات(ن)هقاويه= راع الكرم والجود لامن لفيته
رباه عود(ن)جعل ربي يخليه= على النقاء ياعم والله ربيته
طلق الحجاج وطيبات(ن) مماشيه= فعل(ن)لقوه الناس وانا لقيته
لكن أنا أفرق عنهم اني مخاويه= خوة شرف واللي حصلي حكيته
والشاعر النشمي عسى الله يعافيه= ذكرني بحق(ن)لناصر نسيته

[عاشق الديره]

بدر المرشدي
كفو وتمدح كفو
ويستاهل ذيب شعر ناصر سعود

[الضاوي]

صح لسانك

ويستاهل المدح ناصر بن سعود

[فهد مزيد الحافي]

صح لسانك .................................................. ..................... وابوسعود يستاهل وعلمه غانم عند القريب والبعيد

[نايف بن مزيد]

بــــدر


صــح لسـانكــ

ويستااااهل ابو سعــود....

[ابن مشيب]

صح لسانك اخوى بدر المرشدى

ويستاهل ابو سعود كل علم غانم

[الاسعدي511]

صح لسانك اخوى

المرشدى

ويستاهل ناصر

عسى ربي يوفقكم

[ناصر بن سعود]

بيض الله وجهك يابوعبدالإله

ومشكور على كل حال انت والاعضاء كلهم

قافن قريته يسلم لسان راعيه=اعجبني اسلوبه وتركيب بيته
يخصني خطه وبدعه وداعيه =عنوانه اسمي مار يوم اقتفيته
لقيت غير القاف قافن يباريه=من صاحبي يابليد والله فديته
اليا تركته لحقوني مشاريه=والا بعد قالوا صعب ما قويته
وان قيل واجب كيف يابليد اخليه=تحسب علي شرواي والله شميته
الشعر وانا طفل يابليد اسويه=في ذمتي يامحزمي ما ابتليته
كم لي على روس المراقيب اغنيه=واليا وصلت الناس عنهم كميته
ماهوب هزل القول يوم اني اخفيه=لا والله الا اجوده لا بنيته
مار اختلاف الوقت مانيب مناحيه=وانا نصيبي في زماني رضيته
لبيه يالنشمي ويابدر لبيه=ولبيه يا محرافك الي بديته
الطيب لو هو بالدنانير نشريه=والعيب لو رخص الثمن ماشريته
لو اتردا العود ما قال انا ابيه=وافلست من عدن قراحن رويته
سلمن لنا في كل حزة نراعيه=الحي منا فيه موصي ميته
وانتم ونعم ومدحكم مايوفيه=لو احسبه في كتابها ماحصيته
انتم ذرا اللي لاهب الوقت حاديه=ابكم سلم لو العدا مقتفيته
ما يشتكي المضهود وانتم تواليه=لو الليال بجمرها مشتويته
اهل وفا وبيوت وسلوم ووجيه=واهل الظفر رجالكم لا دعيته
نعمن بكم والقاف تمت معانيه=عساه يعجبكم سلوبه وبيته

أخوكم / ناصر بن سعود

[بدر المرشدي]

بسم الله الرحمن الرحيم

اخوي عاشق الديره ماعليك زود ولاهنت

[بدر المرشدي]

بسم الله الرحمن الرحيم

صح بدنك اخوي الضاوي