قيمة الجار ثمينه

[بدر المرشدي]

بسم الله الرحمن الرحيم

ابيات بمناسبة رحيل جارنا محمد بن عبيد العضياني الذي امضينا حوالي عشر سنوات كان فيها نعم الجار الله يذكره بالخيرفعندمارحل الى السليل حل في النفوس بعض الحزن وكتبت هذه الابيات عسى ان تحوز على رضاكم

ياجارنا ياللي نويتوا بالرحيل=وحطيتوا الوادي جنوب الاتجاه
كنت احسب ان البعد عنكم مستحيل= وتصير جيرتنا مدى كل الحياه
واثر الزمن لوطال لابده يميل=ميل الوتد لادق في عرض الصفاه
حاولت اجامل لكن الموقف مهيل= ماكنه الاصاير(ن) حالة وفاه
ادموع عيني من محاجرها تسيل = لين الجفون من البكى جاها حفاه
نبكي عليكم ياهل الفعل الجميل= ياهل السلوم الطيبات المنتقاه
الجيره اللي مالقينا إلها مثيل= هذي حوالي عشر ماجانا وذاه
ورعه مع الورعان يلعب كل ليل= ولاحد(ن)من الورعان لي مره شكاه
واليوم ورعاني لهم صوت وعويل= إليا بكى واحد بكى الاخر وراه
يبكون جيرانن لنا دايم حصيل= لجيرانهم بالطيب مانلحق مداه
كل(ن) فقدهم يوم شدوا والدليل= حزنن على الحاره مخيم وزملاه
يامحمد ابن عبيد والخالق وكيل= والله منساكم ولاعنكم غناه

[عاشق الديره]

بدر__صح لسانك وبيض الله وجهك

[بدر المرشدي]

بسم الله الرحمن الرحيم

الاخ/ عاشق الديره صح بدنك والله لايهينك

[ناصر بن سعود]

الله يذكرك بالخير يابوفيصل

والله ونعم

صح لسانك يابوعبدالإله

احترامي

[فووشيه]

الله يسعدكـ ,,, فعلا الجار له حق ومقدار ,,
ومثل ماانت خسرته اكيد انت اكبر خساره له ...

لاهنت

[شباب الحافي]

اخوي/ بدر

صح لسانك

على القصيدة الجزله

[بدر المرشدي]

بسم الله الرحمن الرحيم

صح بدنك والله لايهينك اخوي شباب

[الضاوي]

بدرصح لسانك وبيض الله وجهك

[العمدة]

ورعه مع الورعان يلعب كل ليـل

ولاحد(ن)من الورعان لي مره شكاه


هذا والله الجار اللي تنشرى جيرته

ونعم فيك انت وجارك

[بدر المرشدي]

بسم الله الرحمن الرحيم

فووشيه شكراً على المرور