(((( فيض المشاعر))))

[تركي الثبيتي]

كتبت من فيض المشاعر والإحساس=أبيات تسطع مثل بدر التمامي
ثبّت معناها الموقر على ساس =وجنبتها درب الزرى والملامي
إحروفها لؤلؤ وعقدٍ من الماس=فيها ومنها يرتوي كل ظامي
ما جبتها بالغصب من سوق الإفلاس=جملة مشاعر صادقة ما تسامي
ولا على ما قيل حبرٍ في قرطاس=لا والذي يحيي رميم العظامي
يقلون في الأمثال من طاح ينداس=واللي يمره ما يرد السلامي
ما ينفعه لو يصفق أخماس بأسداس=الحظ لا من طاح صعب المقامي
مهما فعل ماله مع الناس مجلاس=الكل صد وميسم الحقد حامي
حكم عليّ الوقت وأمسيت محتاس=رضيت بالمكتوب والجرح دامي
اللي سجني ظلم ما فاد نوماس=ولو على سجني تقلد وسامي
في معقلٍ عليه طابور حراس=سقفه وجدرانه عساها الهدامي
أربع شهوراً ليلها ماله إقياس=ونهارها شمسه عليها عسامي
أربع شهوراً زادت الشيب في الرأس=والشهر منها عن ثلاثين عامي
أربع شهوراً كل ما هب نسناس=أدعي ودمعي مثل رش الغمامي
أربع شهوراً كن قلبي في محماس=وفي داخلي سوات طعن السهامي
شربت منها المر كأسٍ بعد كأس=والنفس صامت عن شراب وطعامي
وعروق كبدي من سنا الوقت يبّاس=ودقات قلبي ترّتفع بانتظامي
على الأمل عايش بعيدٍ عن اليأس=أزيد وأنقص وأختصر في الكلامي
لي مع نجوم الليل لا ناموا الناس=والعين عافت من لذيذ المنامي
موعد ليا حسيت ضيقه في الأنفاس=وتشربكن حولي خيوط الظلامي
ألملم أفكاري وأسافر بهوجاس=وأرجع قبل تصحى عيال الحرامي
وأكتب معاناتي على قطعة إلباس=وأوزع الأحزان شرقٍ وشامي
هذا زمان الظلم والجور والبأس=وموت الضمير الحي والإنقسامي
وهذا زمان اللي يصيف في تكساس=بالمال يشري له قدر وإحترامي
إليا هرج صادق ولو كان هلاس=ومن كثر ما يأكل بداله سنامي

[نايف العتيبي]

ابيات رائعة من شاعر رائع

[االعذووب]

صح لسانك وسلم بنانك


تقبل مروري مع التحيييييييييييه

[النايفه]

صح لسانك يا الشاعر تركي

قصيدة في قمة الجزاله والابداع

[عاشق الديره]

صح لسانك وبيض الله وجهك

[الضاوي]

صح لسانك وبيض الله وجهك

[الجذع الروقي]

اخوي/ تركي

صح لسانك

[غريب ابن سمار]

صـــــح لــــســـــانـــــكـ