الذيب في حياة البدو

[Google]

السلام عليكم .........

تأثير الذيب في حياة البدو تأثير كبير خلاه يفرق عن باقي الضوارى اللى موجوده في الباديــــــــه

الذيب .. سرحان .. الشيب ..
كلها اسماء تطلق على ذلك الحيوان المفترس ..
ويسمي البدو انثى الذيب .. الولبه .. ولا ادري هل هذا الاسم تصحيف لكلمه لبوه او اسم اخر ؟ المهم ان هذا الحيوان ارتبط مع حياه البدوي ارتباطا وثيقا فهو احيانا يسبه واحيانا يمتدحه .. حسب ما تمليه الظروف ..

1- شالح بن هدلان يرثي أينه ذيب الذي قتل في غزوة له على عتيبة ....

((ياذيب)) أنا بوصيك لاتاكل الذيب =كم ليلة عشـاك عقـب المجاعـة
كم ليلة عشـاك سـود العراقيـب =وكم شيخ قوم كزته لـك ذراعـه

2- الشاعر فهم الجنيبي العصيمي بعد معركة العويند الأولى بين عتيبة ومطير

((ياذيب)) عن جا ل العويند لا تغيب =من أشبعك ياذيب لا تنسـى جـزاه
ربع بابو صفرة وكل ابلـج حبيـب =شيـخ نوانـا بالبـلا والله بــلاه

يقول ابن عيد في وقعة الصريف من قصيده طويله

ياذيب ســـــوفه ناد ذيب الجـــذ يبه =واقنب من السبعان للحزم ونصاب
وباقي السباع الغايبه وين هي به =اقنب لهـــــــا ياذيب في كل مـرقاب
لا تاكل الا كـــل بيضــــى تريبــــه =تلقى مشــــاكيلٍ وزلبات وركــــــاب

ويقول سعود بن لفاي الحافي , في وقعة جرت بين الحفاة من الروقة وشمر:

ياذيبي الـــــي بيمن النير ويسرة=كل مـــــن مداس الخيل يامعثور
كل من الصبيان والجيش والرمك=وليا ضميت اشرب مـن المنجور
وصوت لذيباً يــــــــــم حشه مليه=وخـلــو لغيــــــاب السبــاع جزور
تلقى على الساقة حصان ومهرة=وتلقــــــــــى عيـــالاً لابسين كمور

ويقول الشاعر الكبير خلف بن هذال:

يــــاذيب لاتجذب علـــــــــي الذيابه=حول ونا ببدي علـى الرجم ياذيب
يـــــــاذيب انالـــــــي وقفتاً ونقلابه=رجلــي مضريها بروس المراقيب
الذيب خاوى من عصور الصحابه=له خوتاً تصدق مع اهل المواجيب
بديت انا فــــي راس رجماً عوابه=وبكــــــي بدمعاً غرق الكم والجيب

ويقول بركات الشريف في قصيدته المشهوره ,,,

يا ذيب وان جتك الغنم في مفاليك = فكمن لها لين الرعايا تعداك
منول يا ذيب تفرس با ياديك = واليوم جاءذيب عن الفرس عداك

وتقول زوجه زيب الجذع ترثيه ,,,

يا ذيب يالي في علو المضابيع = يا خي خل زريب ريف الهشالي

تقول للشاعرة جوزاء اخت جزاء بن كريكر من مطير
وقد قالت القصيده عندما قتل زهيان ابن عصاي
ولا تعلم بمقتل اخوها جزاء ايضا

ياذيب عيد في جثايا زهيان =عيد وصوت للذياب المجاويع
ماذمهم ظفران وعيال ظفران =طماعة لكن جاهم طماميع

فرد عليها هذال بن نشار الدلبحي

يابنت لو تدرين عن كاين كان =عين كاين جانا وراء مدلج الريع
حنا ذبحنا الخيل زينات الارسان =قحص المهار مجدلات المصاريع
وعاني جزاء في قاعة الضلع رايان =عليه لجن العذارى مصاليع

وكان هذال من ضمن الاسرى لدى قبيلة مطير

أحد بنات الباديه الغير معروفه تقول....... :

ياذيب ياللي جر صوت عوى به =مدري طرب ولا من الجوع ياذيب
ياذيب لاتقهرك عنها المهابه =يا مجفل الغزلان حنا المعازيب
البوش كله يم خشم اللهابه =في فيضة السرداح والبل عوازيب

ويقول الشيباني :

الاد الكريزي لابعد الرب دارهم=ربع اليا ركبوا تقاطى مهاراهــــم
كم من صبي طايح في كرارهم=سرو له التومان شقر ذوايبـــــــــه
الله معاضدهم بحظ وسعادة=والهم على كسب النواميس عـــــــــاده
كم فارس في نجد كبوا شداده=غدا عليه الذيب يقنب قنايبـــــــــــــه

ويقول الزلامي رشيد

واقنب قنيب الذيب في راس مرقب =من حرمابه قام ينهش اجنوبه

ويقول ابن طواله :

ومــن ضــرب أهــل عمـهـوج رحـنـا د بـالـه =مـيــر أقـمـحـن يـــالا بـســات السبـاهـيـن
لا كــن ضـربـه فــي جـمـا هـــي رجـالــه =قـنـيـب ذيـــبً فـــي طـويــل الضـلاعـيـن

البيت ذا ماعرف من قاله...........

يابنت الذيب لايشلع ساقك بنابه=ترى صواب الذيب مافيه تطبيب

ماعرف اللى قاله.........

الحر الاشقر برقعوه السلاطين =وذيب الغداري كسر الوقت نابه

ماعرف اللى قاله..........

ياذيب ياللي جر صوةٍ عوابه =مدري ضما ولا من الجوع ياذيب

يقول عيد بن سمير الحربي........

ياذيب هجرس والمراقيب وقها =تالي الدهر حقك غدابه ضراوي

قال الشاعر محسن الرقــعي

حنا برية باللقاء نشـبع الـذيب =فى ســاعة تنسـى العذارىحيـاها
فى سـاعة وان فرعـن الرعابيب =نروى حــراب والمعادى شـكـاها

ويقول ابن ثعلي:

ولا ياذيب ياللي حارسأ قبر القعياني= تجدد فا المكان اللي وراه وشي من دونه

... القعياني: هو من قبيلة مطيروذبحوه الروقه من عتيبه........

وسلامتكــــــــم.......

[وناسه الحافي]

ما قصرت اخوي قوقل مزري اكتبها بس موضع في غاية الجمال ووووووووومشكور يالغالي
ماقصرت يعطيك العافيه
بيض الله وجهك

[ابن وافي]

وانا أقول مافيك حيله وماقصرة

وتقبل مرورررررررررررررري

[Google]

وناسه الحافي

ابن وافي

شرفني مروركم

دمتم بود

[سعود الحـافي]

قوقل

شكرا على الطرح وسبحان من كرم الذيب

في مأكله ومشربه وطريقة صيده للطرائد أعجوبه

سبحان الله

[ناصر الحافي]

بيض الله وجهك ياقوقل على هذا الموضوع الرائع


لاتحرمنا جديدك ودمت بود,,

[بن كليفيخ الوافي]

قوقل
الله يعطيك العااااااااااااااااااااافيه علي الموضوع

مشكور وماقصرررت


تقبل مروري

بن كليفيخ الوافي

[رووق الخليج]

اخخخخخخخخخخخ بس
وربي يتقطع قلبي من الابيات الي قريتها
ياناس الدنيا تغيرت ولا حنا الي تغيرنا

[رووق الخليج]

اخخخخخخخخخخخ بس
وربي يتقطع قلبي من الابيات الي قريتها
ياناس الدنيا تغيرت ولا حنا الي تغيرنا


الذيب لامنه عوى جاوبة ذيب
وخلى اللذي خافي له شهور خافي

[ابو رسم]

تقبل مروري