عتااااب حاد-للنايفه-

النايفه · 25-07-10, 05:41 PM

بسم الله الرحمن الرحيم

ياخاينه عهد الوفا والصداقه=قدر ضميرك بالخيانه يمشيك
كنت احلم اول مابديت العلاقه=انك تكوني راقيه في مباديك
ودفعك للغلطه طريق الحماقه =اللي متاهاته عن النور تعميك
يابنت ماهو حق تال الرفاقه = تشوهين الي ضميره مصافيك
اعطيتك الوقت الثمين بلباقه = واليا طلبتي دون غيرك ابديك
اعطيك قدح الراس واعذب مذاقه=واليا دعيتي جيت عجله البيك
مثل السحاب الي لك الرب ساقه =ينهي ضما قلبك ويسقي مفاليك
جيتك عظامك يابسات(ن) دقاقه =واعطيتك الصافي وعاش الحيا فيك
واليوم يوم انك حفظتي وثاقه=قمتي تحطين الحبل لي مشابيك
يابنت جيتي من سرقها سراقة = الي يعدون الخطا في مواطيك
شعاع شمسن لايغرك عناقه = يسرق نظر عينك ويخلف مساعيك
يفتيك فالمردود قطاع ساقة= سرون قفا قافه على القاف قافيك
حروف خطك كلبوها رقاقة=وحروف خطه فالقصايد صعاليك
الله يستر يابيوت العراقه=ياصار وكر الحر خلّف لكم ديك
الرمز بان وواجبه في غلاقه=وحسب المعاني رمز الابيات يكفيك
يابنت مالي فيك حيله وطاقه= همك توطني وانا شمت ماابيك
انا الذي يصعب عليك التحاقه = بالشر تمسيني وبالخير امسيك
يابنت طيبي ما اخذته شفاقة=قد قالها شيخن حكم له مماليك

فهد مزيد الحافي · 25-07-10, 08:28 PM

صح لسانك......................... ومبدعة ...........وننتضرابداع اخر..........................................
تمنياتي بتوفيق....................

الجذع الروقي · 25-07-10, 09:17 PM

صح السانك شاعرتنا الكبيره النايفه ودائماً في المقدمه ..

مبدعه وشهادتي فيك مجروحه ...

الـتـوم · 25-07-10, 10:12 PM

صح لسانكـــ

مشيخها فعل ابوها · 25-07-10, 11:28 PM

صح لسااااااااااانك يانايفه

بدر الحافي · 26-07-10, 01:44 AM

صح الله لسانك
يالشاعرة
جزلة والله

لا هنتي

النايفه · 26-07-10, 02:15 AM

اقتباس:

المشاركة الأصلية كتبت بواسطة فهد مزيد الحافي

صح لسانك......................... ومبدعة ...........وننتضرابداع اخر..........................................
تمنياتي بتوفيق....................

هلا حياك فهد المزيد

فخر لي حضورك والله

صح بدنك

احترامي وتقديري

ابن وافي · 26-07-10, 03:21 AM

النايفة

صح لساااااااااااااااااااااااانك ..جزلة ...

ابن وافي

النايفه · 26-07-10, 03:25 AM

اقتباس:

المشاركة الأصلية كتبت بواسطة الجذع الروقي

صح السانك شاعرتنا الكبيره النايفه ودائماً في المقدمه ..

مبدعه وشهادتي فيك مجروحه ...

الجذع الروقي هلا بك

وحضور له ميزته

صح بدنك

احترامي وتقديري

حمود الشمري · 26-07-10, 07:33 AM

صح لسانك

احترامي لك ياالشاعره النايفه

تقبلي مرور

اخوك

حمود الشمري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
النــــادره للنايفه	النايفه	الشاعره خزنه الخليل الشمري \|{ النايفة }\|	43	21-01-12 06:32 PM
دموع القوافي للنايفه	النايفه	الشاعره خزنه الخليل الشمري \|{ النايفة }\|	39	05-12-11 12:14 PM
فن الاعتذار للنايفه	النايفه	الشاعره خزنه الخليل الشمري \|{ النايفة }\|	34	11-10-11 10:00 AM
النايفه للنايفه الشمريه	النايفه	الشاعره خزنه الخليل الشمري \|{ النايفة }\|	26	19-03-10 03:31 PM
سمو القصيده للنايفه	النايفه	الشاعره خزنه الخليل الشمري \|{ النايفة }\|	25	07-02-10 08:43 PM