جيتك يابو هاشم وانا كلى امال

[بدر المرشدي]

بسم الله الرحمن الرحيم

هذه بيات موجهه للواء /يحيى الشريف الذي له على جمايل وعلومه معي غانمه ولى عنده طلب وتقدمت بهذه الابيات

جيتك يابو هاشم وانا كلى امال= وترى الامل معقود فالله ثم فيك
كلفتني من دون غيري بالاعمال= وبذلت مجهودي علاشان نرضيك
رقمي مجمد يابوهاشم ولازال=وانا اجي مكتبك واروح ماجيك
كله حيا منكم لان الكم افعال= افعال طيبن في ربي يجازيك
ومن ينكر المعروف ماهوب رجال=ومعروفك اعده لياحل طاريك
واليوم جيتك عقب ترداد وجدال=اروح لاماروح ثم جيت ناصيك
انصاك لانك لصعيبات حلال= اتحل بالفزعه عقود الشرابيك
غيري ترقى ماتعب مريح البال=وانا حوالي عشر تطويف ماخفيك
والمرحله جايه ترى يبتل الحال= والا يريد الله لنا حل بيديك

[سعود بن سعد الحافي]

صح لسااانك يا بدر المرشدي

و ان شالله ابو هاشم مايقصر

***********

[االعذووب]

صح الله لسانك وابيات جميله وان شاءالله ابوهاشم قدها وقدود


تقيل مروري مع احترامي

[ناصر بن سعود]

هههههههههههه

الله يوفقك يابوعبدالإله

صح لسانك لين ترضى

احترامي

[بدر المرشدي]

صح بدنك اخوي سعود ولاهنت

[بدر المرشدي]

بسم الله الرحمن الرحيم

العذوب شكراً على المرور الكريم

[بدر المرشدي]

بسم الله الرحمن الرحيم

ابوسعود صح بدنك ولاهنت وشكراً على مرورك الكريم

[النايفه]

صح لسانك يابدر

وحنا بعد جيناك مع المرشدي يابو هاشم

وانت ماتقصر وحنا نستاهل

[بدر المرشدي]

صح بدنك اختي النايفه

وشكراً على مرورك وتشرفت بموقفك الطيب والله يبيض وجهك

[نايف بن مزيد]

صــح لســانكــ

ويستااااهل الممــدووح