من بداية الارشيف

[بدر المرشدي]

بسم الله الرحمن الرحيم

ابيات قديمه عسى ان تحوز على رضاكم اداره واعضاء منتدانا الغالي

يابيوت الشعر فيكن وردني=وردني بالرشا فوق المحاله
لين احول جمكن ثم اجذبني= جذبت اللى محتزم يسقي حلاله
اقتفاه القيظ والحاشي يحني=والعوين بنيته واكبر عياله
لي وليفن بالمحبه ممتحني =غير زينه عربه جده وخاله
العيون وساع والقرن امتثني=فوق ردفن لاوقف يزمي لحاله
والثمان البيض صفن يلمعني=لمع برقن يعجب الناظر خياله
تصبح الوديان منه يفيضني=كل وادي يلتطم لحد جاله
وباقي الاوصاف عنكم شفرني= شفرن من شان مانسلب جماله
اشهد انه يابوخالد هو فتني=قبل اعرفه عن هواء الخفرات داله
عند ذود العود مبسوطن واغني=في جنوب الدار والا في شماله
للحيا نتبع بوضحن يشعفني= يشعفن القلب وتقطع حباله
من غلاهن يسرحن ويقبلني= هجل والله مايعرفن الشماله
يقهر المقهور دايم خلفهني=عنده الراعي حسن ياحي فاله
له حوالي عشر مدري يقصرني= عندابويه يحسبه حسبت عياله
وعقب ما شفت الوليف اللي فتني=ضاعت البل من خيالي في وصاله

[ناصر بن سعود]

وعقب ما شفت الوليف اللي فتني=ضاعت البل من خيالي في وصاله

الله الله يابوعبدالإله

صح كلك يالحصان

ابداع غير مستغرب منك

اتمنى موافاتنا بالمزيد وخاصة من الأرشيف

احترامي

[بدر المرشدي]

بسم الله الرحمن الرحيم

لاهنت يابوسعود وصح بدنك

[مشعل]

الشاعر بدر المرشدي

صح لسانك

جزلة جزلة جزلة

سجل اعجابي

[قف امامك حافي]

ماشاء الله عليك

مبدع قليلة بحقك

صح لسانك

تقبلني

[بدر المرشدي]

اخوي /مشعل لاهنت وشكراً لمرورك

[بدر المرشدي]

قف امامك حافي كفو وكلماتك المعبره والصادقه شهاده افتخر فيها

[النايفه]

العيون وسـاع والقـرن امتثنـي =فوق ردفن لاوقف يزمـي لحالـه
والثمان البيـض صفـن يلمعنـيل =مع برقن يعجب الناظـر خيالـه
تصبح الوديـان منـه يفيضنـي =كـل وادي يلتطـم لحـد جـالـه
وباقي الاوصاف عنكـم شفرنـي =شفرن من شان مانسلـب جمالـه
اشهد انه يابوخالـد هـو فتنـي =قبل اعرفه عن هواء الخفرات داله
عند ذود العود مبسوطن واغنـي =في جنوب الدار والا فـي شمالـه

الله الله صح لسانك

شعر جزل وراقي

احترامي لك يابدر

[بدر المرشدي]

بسم الله الرحمن الرحيم

	يالنايفه نفتي على كل مشراف=بصخر البيوت الوافيات الجزيله

صح بدنك وشرفيني بمرورك

[ابن مشيب]

صح بدنك واعتلا شانك

يابدر ولاهنت على هالقصيده