لي في المواجيب الكبيرات ميثاق

[بجاد بن محمد الحافي]

رؤس المراجل مادْوّر بالاسواق=ولا المال في كل المواقف وسيله
والله ثم والله لولاي مشتاق=للعاليات من الجبال الضليله
اللي عليهنّه مقادير ورزاق=واللي تحتهن الحياة الذليله
مانّظر كذا من فوق همات واعناق=بعض الرجال اهل الثناء والفضيله
لي فالمواجيب الكبيرات ميثاق=عهدن عليه من سنينن طويله
وان كانها بعد المواجيب تنساق=قد سقتها في كل يومن وليله
في ساعة قدام حزات الاشراق=على القدى مفاختت للدليله
زيزوما وحمولها فوقها اوساق=حامي وغاها في نهار الدبيله
دليلها وان لاح للطيب براق=راع الوفاء ياهل الفعول القليله
لعهودها مانيب خاين وبواق=مهما تكون امورها مستحيله
تصورو فعل الكرامه والاخلاق=والطيّبه والطايله والجميله
منذ الذي سطرلها بيض الاوراق=لين اشهدوا فيها كبار القبيله
هيهات ياعمرن غدى كنه احراق=تفنا فعوله ويتدنا رحيله
والعمر الاخر يضمحل بين الاحداق=اصغر من الذره مقامه وحيله
عمرين في دارن لها سور واطباق=العاتيات من الهبايب تميله
ماشلتها يوم الرداء جاله اشناق=مليتها من فوق حام المليله
طيري معي مافيه برقع ومسباق=وكفي على روس المعالي تشيله
والله ولاصدري من السالفه ضاق=صدرن مراويح المخايل تخيله

الشاعر / بجاد ابودية

[ناصر بن سعود]

ابونايف

حياك الله في منتداك بعد طول غياب

وان شاء الله اخر الغياب ياغالي

وصح لسانك على هذه الشامخة التي لاتأتي الا من شاعر جزل شرواك

مبدع قليلة بحقك الله يحفظك

احترامي

[نايف بن مزيد]

ابداع يابو نايف

بيض الله وجهكـ
وصح لسانكــ
مبدع


ننتظر جديدك

[العمدة]

لي فالمواجيب الكبيـرات ميثـاق

عهدن عليه من سنينـن طويلـه


كفو يابو نايف 00 وصح لسانكـ

[النشمي]

صح لسانك

يا

بجاد محمد الحافي

شاعر مبدع

[الـتـوم]

صح لسااانك جزل ماشاء الله عليك
لاتحرمنا جديد

[النايفه]

رؤس المراجل مادْوّر بالاسـواق
ولا المال في كل المواقف وسيلـه

الله الله

صح لسانك ياالشاعر بجاد عزالله انك معودناعلى

القصايد الجزله اللي تسر الخاطر

احترامي لك

[الجذع الروقي]

صح لسانك شاعرنا ..

[بجاد بن محمد الحافي]

اخواني وخواتي يسعدني ويشرفني مروركم لاهنتم

[بدر المرشدي]

المشاركة الأصلية كتبت بواسطة بجاد بن محمد الحافي

رؤس المراجل مادْوّر بالاسواق=ولا المال في كل المواقف وسيله
والله ثم والله لولاي مشتاق=للعاليات من الجبال الضليله
اللي عليهنّه مقادير ورزاق=واللي تحتهن الحياة الذليله
مانّظر كذا من فوق همات واعناق=بعض الرجال اهل الثناء والفضيله
لي فالمواجيب الكبيرات ميثاق=عهدن عليه من سنينن طويله
وان كانها بعد المواجيب تنساق=قد سقتها في كل يومن وليله
في ساعة قدام حزات الاشراق=على القدى مفاختت للدليله
زيزوما وحمولها فوقها اوساق=حامي وغاها في نهار الدبيله
دليلها وان لاح للطيب براق=راع الوفاء ياهل الفعول القليله
لعهودها مانيب خاين وبواق=مهما تكون امورها مستحيله
تصورو فعل الكرامه والاخلاق=والطيّبه والطايله والجميله
منذ الذي سطرلها بيض الاوراق=لين اشهدوا فيها كبار القبيله
هيهات ياعمرن غدى كنه احراق=تفنا فعوله ويتدنا رحيله
والعمر الاخر يضمحل بين الاحداق=اصغر من الذره مقامه وحيله
عمرين في دارن لها سور واطباق=العاتيات من الهبايب تميله
ماشلتها يوم الرداء جاله اشناق=مليتها من فوق حام المليله
طيري معي مافيه برقع ومسباق=وكفي على روس المعالي تشيله
والله ولاصدري من السالفه ضاق=صدرن مراويح المخايل تخيله

الشاعر / بجاد ابودية

صح بدنك الشاعر بجاد الحافي