ياهل الوظايف قولوا الحمد لله

[شلوة الكفار]

بسم الله الرحمن الرحيم

السلام عليكم ورحمة الله وبركاته

اليوم جايبين لكم قصيد لشاعر /سعود فهد جمعان المطيري

من قصيدة ( الصعاليك ) قوله

يالله يارب النبي والصحابه=ورب التجار وربنا يالصعاليك
طالبك تجعل دعوتي مستجابه=ياواحدٍ عبدك يخافك ويرجيك
يجعل لما يغضبك عنده مهابه = ومحبةٍ للي عن الخلق يرضيك
وان كان غيرك رزقنا صك بابه = تفك باب ارزاقنا من تواليك
وتفرج لقلبٍ مايعالج صوابه = ويدك فيه من الطواري دواكيك
ويكفيه من زود الغرابيل مابه = يواحدٍ مفتاح الارزاق بيديك

ومن قصيدة ( البنك ) قوله

ياهل الوظايف قولوا الحمد لله = على معوشتكم ولو دربه ضنك
انا ومثلي دخلنا لو وصفناه = حوذ الحنك مافيه زودٍ عن الحنك
لاطاح قرشن في يدينا قرشناه = ودايم طفارى الله يجيرك ويامنك
البنك لولا لوحته ماعرفناه =من قل ماندخل على موظف البنك
مغير نقرا لوحته ونتعداه = ولن قيل هذا البنك قلت اتره عنك
لا وهنيك يالغناوي هنياه = ترقد وحنا بالدراهم نمونك
نفرح ليا من المعاش استلامناه = ويهج منا قرشنا ويتزبنك
والله لو تصرف ربع ماصرفناه = ليصيبك السكر مع الضغط والضنك

قصيده قالها في الصحاب المعارض

انحش عن اصحاب المعارض تراهم = العن من الحنشل وقطاعة الطرق
حتيش لونك تكابر لحاهم = كبر الحى ماعاد يمنع من السرق
ناسٍ على درب الملاء مشتكاهم = بحسن المظاهر يدرقون العرب درق
من لا يحسب احساب ساعة لقاهم = عن يمة القبله يصلون به شرق
ماهمهم ياكود جمع الدراهم = حلال ولا عكس ذلك مابها فرق

[ابن وافي]

صح لسان قايلها وناقلها


شلوة الكفار تقبل مروووري

[شلوة الكفار]

صح بدنك ابن وافي

تحياتي لك

[وناسه الحافي]

صح لسان قايلها وكاتبها
تقبل مروري
ماقصرت بيض الله وجهك

[شلوة الكفار]

وناسه الحافي

وجهك ابيض

تحياتي

[ناصر الحافي]

صح لسان الشاعر /سعود فهد جمعان المطيري

ومواضيعه رائعه وجميله


شاكر لك اخوي شلوة الكفار على حسن الاختيار