((الرحلة ))

[تركي الثبيتي]

البارحة طار نومي والخلايق رقود=والعين حائر بقايا الدمع في أطرافها
أنا وليل العنا غصنين في طرف عود=نطرح جميع الحلول ونأخذ أنصافها
ستر وغطى في المواقف ما نخون العهود=ولا نبدل سلوم الناس وأعرافها
حتى لو الشر قائم ما تباح السدود=واللي تقدم بطوعه يرجع إخلافها
ولا علينا ملامة بعد بذل الجهود=إليا ركزنا علمها فوق مشرافها
موجود حتى إيش لو يقلون مالي وجود=أزيد وأنقص مع هجوسي ومحرافها
أخيل برق الحيا واسمع حنين الرعود=وأسرّي أقدام رجلي واعرف أهدافها
ماني بمحتاج في رحلة حياتي شهود=حتى لو الخوف والمجهول في أكنافها
ولا في حاجةٍ لفزعه مخلفين الوعود=ولا مخيّم مع أهل الزيف وأحلافها
أيضاً ولا لي مطامع في حصيل الهنود=ولا في رجوا بطا يقها وصرافها
لا ضاق صدري وهمّي متجه لصعود=أصبر على معمعة دنياي وأصدافها
وإن طحت بعد التعب في الوقت مالي عضود=تصد عنّي هموم الليل وأطيافها
سوى سوى والأمر عندي والصوادر ورود=حتى لو أجروح قلبي زادت أضعافها
أباري الصبر حتى لو تعدى الحدود=واطوي الحبال الثقيلة وآخذ أخفافها
واللي لهم فضل ماني للجما يل جحود=ولا بناسي مع الأيام ميقافها
سوالف الليل مالي من وراهنّ فود=واللي يورى بها سرعان ما عافها
والكلمة الطائشة ما تستحق الردود=من واحدٍ ما درى عنها ولا شافها
أنا أدري إن الحسّد زيزوم عين الحسود=والحقد شوّه ظهور الناس وأكتافها
والبغض والكره تقدم مثل قدح الزنود=تزرع وتحصد بذور الشر وأصنافها
والظلم والغدر والنمّات سقم الكبود=لا دارت السالفة واهتزت أردافها
هذا كلام الحقيقة دون نقصٍ وزود=ماني مضيع ملامحها ولا أوصافها

[الجذع الروقي]

صح لسانك يابن العم قصيده لها رونقها الخاص لامست إحساسي ...

تحياتي لك ..

[سعود بن سعد الحافي]

صح لسانك يالشاعر تركي

و ياليت صغـّرت الخط شوي

ولاهنت

[الـتـوم]

صح لسااااااااااااااااااااااااااااااااانك

[بدر المرشدي]

بسم الله الرحمن الرحيم

صح بدنك اخوي تركي ابدعت

[برق الحيا]

تركى

صح لسانك

[غريب ابن سمار]

صـــــح لــــســـــانـــــكـ