(الخوه)

[ابن وافي]

في زماننا الحاضر , زمان السرعه , وزمان الانترنت , وزمان الماديات , وزمان الـــ ...
تغيب الصداقه او الاخوه بمعناها الصحيح , فمهما كانت علاقاتك كثيره بالناس فانك تفتقد الصديق الوفي الذي عرفناه قديما الصديق الذي يفتديك بروحه وماله عند مصائبك ويسأل عنك في حال غيابك ... ويشاركك في افراحك
وانت تبادله بالمثل ولكن السبب في ذلك او في غياب التكاتف الاجتماعي
هل هو التطور التكنلوجي او العولمه كلها اشياء مستحدثه ولها الكثير من الفائده ولذلك لن تكون سببا لذلك ان لم تكن عونا

الـــــخــــــــوه

لو هي قلوب الناس تـنـشاف بالعين ***** بـان الـحسـود اللي سواده بقلبـه

راعي المصالح تـعرفـه وانت في ليـن***** واليـا نـخيـتـه بالعسر ضاع دربه

وراعي الردى يعرف من الوجه ويـبين***** ما يقرب الـمجلس ولا يـنـذكر به

وراعي البخل ما اقول له غير مسكيـن ***** مـحروم من دنيـاً ومالٍ يـحسبـه

واللي طعن قلب الخوي طعـن سكيـن ***** مع عثرتـه ليـته سكت ما ضحك به

وكل البـلا لا صار يـمشى بوجهيـن ***** يضحك له بسنـه ويـامـا هرج به

الـخوه اللي تـنـشرى ويـنها ويـن ***** في وقتـنـا اللي كل شي اختلف به

دام الـمهم ان الـخوي موتره زيـن ***** والا على الـموضه يشخّـص بسكبه

ما تـبـطي الخـوه ولا توصل سنيـن ***** كلٍ يروح لشاغـلٍ مـنـشـغـل به

ما يصفي الا ربعـك اللي قريـبـيـن ***** واللي بـهم طـيّـب ترى تفـتخر به

لا ضـاقت بوجهك يجونك ملبـيـن***** مـا يـفـزع لجرحك غريبٍ سمع بـه

وياما حلا خـوة شباب على الديـن***** ما بـيـنهم غير الغـلا والـمحبـه

[طالب الحور]

السلام عليكم ورحمة الله وبركاته

صح لسان الشاعر أولاً ..

وياما حلا خـوة شباب على الديـن***** ما بـيـنهم غير الغـلا والـمحبـه

هذا البيت أعجبني
وأسال الله أن يجمعنا بأهل الخير دائماَ وأبداَ

ومشكور يابن وافي وياليت تذكر صاحب القصيدة

لا هنت ووننتظر الأجمل

[ناصر الحافي]

صح لسان شاعرها وبيض الله وجهك على الطرح

[بدر الحافي]

الله لايهينك يالذيب

[ابن وافي]

المشاركة الأصلية كتبت بواسطة ناصر الحافي

صح لسان شاعرها وبيض الله وجهك على الطرح

صــــــــح بدنك ناصر نيابتاً عن شاعرها


ووجهك أبيض



دمت ،،،،،،،

[الجرح الثقيل]

لاعدمناك.........

[نايف بن مزيد]

صح لسان....
قايلها وكاتبها.......
......تحياتي.......

[ابن وافي]

صحت أبدانكم جميعاً

وشاكرلكم مروركم

تحياتي