((الطير))

[تركي الثبيتي]

يا طير يا للي كل ما تطري على بالي تحوم=لو كان غيرك كان من بدري كسرت جناحها
يا طير لا تقسى على الغرقان في بحر الهموم=من وين ما ولّى على رأسه تهب إرياحها
الجرح ينزف وأصغر همومي كبر ضلع البقوم=عايش مع الأحزان وأيامي نسيت أفراحها
جو العرب صافي وأنا جوّي ملبد بالغيوم=حياتي المرة خسايرها تفوق أرباحها
ضاري على صكات وقتي كل ليل وكل يوم=ما هي غريبة في الليالي لو تدور أشباحها
ما غيّروا طبعي مع الأيام عوجان الخشوم=ولا بخايف لو ورى ظهري تجر إنواحها
لكنّ يا طير السعد خلك على حالي رحوم=وإن هاجت أمواج البحر ضدي كبحت إجماحها
ما همني في الوقت يا طير السعد زود العلوم=ولا بمتحسف على الدنيا ولبس وشاحها
ماني بجاهل وأعرف أنواع الكواكب والنجوم=وأعرف مراويح الرجال الوافية ومسراحها
اللي ليا دارت عقاربها يسدون اللزوم=وليا دعى الداعي لشرع الله تسوق أرواحها
أمشي مع الطيب وأجنّب عن قليلين العزوم=اللي تضيع أبصارها وإن غيرت مسداحها
غلطان ياللي تطلب الفزعة من عيال الرخوم=تبا الفوايد من هلافيت البشر وإقباحها
الجاهل اللي في زمانه لا يطيح ولا يقوم=الدم بارد والمشاعر ممرحه في إمراحها
ما جرب الدنيا ولا جرب لواهيب السموم=ما شوّهت ظهره سكاكين الغدر وإرماحها
ما كل من ياقف على شط البحر يقدر يعوم=ولا كل من خمّن على حاجه مسك مفتاحها
ولا كل رجالٍ نشروي فيه من لبس الهدوم=ولا كل من قدّم يمينه للمصاعب زاحها
أنا بشر مثل البشر ماني بمنهي ومعصوم=والحرب لو شبت شبايبها يثور إسلاحها
تم الكلام ووقفت الريشة وستر الله يدوم=واللي تصيح من النهاية ما يفيد إصياحها

[الـتـوم]

صح لساااااااااانك ماشاء الله جزل

[برق الحيا]

تركي


صح لسانك

[ابو محمد الرقاص]

السلام عليكم ورحمة الله وبركاته

اخوي تركي صح الــــــــــــسانك على هالجزاله....مشاء الله رائع رائع


ماني بجاهل وأعرفأنواع الكواكب والنجوم وأعرف مراويح الرجال الوافية ومسراحها
اللي ليا دارت عقاربها يسدون اللزوم وليا دعى الداعي لشرع الله تسوق أرواحها

تقبل تحياتي والله يعطيك الف عافيه

[نايف بن مزيد]

صــح لسـانكـ

شااعر جزل

وبيض الله وجهكـ

[بدر المرشدي]

بسم الله الرحمن الرحيم

تركي الثبيتي صح السانك ابدعت

[الجذع الروقي]

صح لسان شاعرنا ...

[غريب ابن سمار]

صـــــح لــــســـــانـــــكـ

[صقر الثامرية]

تركي


صح لسانك