قصيده بمناسبة النشاط الثقافي

[بدر المرشدي]

بسم الله الرحمن الرحيم

هذه ابيات بمناسبة النشاط الثقافي بشهر رمضان بداية العشر الاواخرلعام 1428هـ بحضور اللواء/يحيى الشريف امل ان تحوز على رضاء الجميع

يالله يامنزل تبارك وياسين=ياعالم الدنيا ودورة رحاها
اغفر لعبد(ن) لك ضعيف(ن) ومسكين=غرتبه الدنيا وقفا وراها
قام يتقلب يضرب ايسار ويمين=يجمع مكاسبها ويجمع غثاها
يبي يتسمى مثل ناس(ن)مسمين=هامور لكن جاه قرش(ن)كلاها
ومن شانها بعض العرب ضيع الدين=نسيوا حقيقتها ونسيوا فناها
ونسيوا نهارن فيه وضع الموازين=والقاضي المعبود جل الالاها
وهل رمضان وراح تقريب عشرين=وعشرن بقت بالخير ربي حباها
من صامهن ثم قامهن قولوا امين=عساه يحسب من حساب عتقاها
ثم مرحبا ترحيبة(ن) من محبين=من عسكر الوحده بحضرة لواها
القايد اللي يبذل الجهد جهدين=فعله بوحدتنا رفع مستواها
وش كانت من اول وشلون هالحين=من يوم ابوهاشم تولى حماها
صارت تزين شين يشاف بالعين=وبين القواعد فالمحافل تباها
ادعوا معي دعوة حجيجن ملبين=جعل الولي من كل شر يحماها
صخر لها صعب المهمات للين=وفتح مدارسها وشيد بناها
ماقال مانقدر ولاقال بعدين=شد الحزام وكل عثره وطاها
الجهد واضح والفعول بعناوين=مسطره تسطير كلن قراها
لونجمع فعوله تملى الدواوين=ويعجز قلمنا مالحق منتهاها
مير اسمحولي يالرجال الوفيين=عن القصور لياحصل مع خطاها
وصلوا عدد ماتطلع الشمس وتبين=على رسول الحق والخير طاها

[ابو محمد الرقاص]

بسم الله الرحمن الرحيم
اخوي:بدر المرشدي صح السانك وبيض الله وجهد
والقصيد اكثر من رائعة لافض فوك...........

ثم مرحبا ترحيبـة(ن) مـن محبيـن

من عسكر الوحـده بحضـرة لواهـا

تقبل تحياتي .................................. والله يعطيك الف عافيه

[نايف بن مزيد]

صــح لسـاكـ

[بدر المرشدي]

بسم الله الرحمن الرحيم

اخوي ابو محمد الرقاص ووجهك ابيض وشكراً على مرورك الكريم

[بدر المرشدي]

بسم الله الرحمن الرحيم

اخوي القناص صح بدنك

[بعيد المدى]

بدر المرشدي صح لسانك

[بدر المرشدي]

بسم الله الرحمن الرحيم

بعيد المدى صح بدنك

[برق الحيا]

بدر


صح لسانك

[سلا قلبي]

الشاعر بدر
صح السانك وسلم بنانك
دمت ودام نبضك
آجل التحايا لشحصك الكريم
اختك
سلا قلبي

[بدر المرشدي]

برق الحيا صح بدنك