الشوق لديار عتيبه

[بدر المرشدي]

بسم الله الرحمن الرحيم
هذه ابيات وجهتها لشاعر /عوض الله بن منيع المطيري وحنا في دوره في وادي الدواسر اتصل احد الزملاء واخبرنا بان ديارنا عليها مطر وحنا كنا دورة لغه انجليزيه سنه عام 1421هـ
فقلت هذه الابيات وردعلي امل ان تحوز على رضاكم

يابن منيع الديار يقال ممطوره=ياسعد ياخوك والله من مشى فيها
اديار ربعي بفعل الطيب مذكوره=ربعي عتيبه بعيداتن هقاويها
قبيلة(ن)عند كل الناس مخبوره=في ماضي الوقت والحاضر مراسيها
ياليتني عندهم ومفارق الدوره =والمركزالي بعد رجلي معنيها
اسرح مع الصبح قبل يشع لك نوره=ثم استعد استرح والفول تاليها
وشاهي من الطبخ حاصله كذا فوره=اسود وعلقم والكافور موفيها
وضباط تشبه ذيابت كشب مسعوره=تاكل كبود البشر والله مهنيها
ثم جون بالفصل ياخذ بعدهم دوره=يشرح وخمس الدقايق مايخليها
لولا الحيا من عميد(ن) دق لي زوره=لكنسل الحي الوادي وطاريها

رد الشاعر /عوض الله المطيري

عسى الحيا به ديار البدو معموره=يسقي جبلها ومسهلها واديها
وياللي ترد المثل من صافي بحوره=وتغوص في غبته وتجيب مافيها
اسمع بيوت سوات الدر منثوره=من صافي الفكر مازلت قوافيها
أجهدت في سبكها بالنظم مسطوره=وزينتها بالمعاني في مثانيها
وارسلتها في جواب واضح الصوره=للي شكالي وانا شكواه شاكيها
وش عاد يابدر خل الحال مستوره=الله يتمم بحسن الصبر باقيها
والطيب في اصحابه الاقوال ماثوره=حلة فخر من لبسها يفتخر فيها
ويمنى الردي عن فعول الطيب مقصوره=ونفسه عن المرجله تقصر هقاويها
البيض رايات لاهل الطيب منشوره=ضباط والا من الافراد راعيها
من كل جنس شمخ للمجد منظوره=نفس كريمه وله راي يقديها
ارض بنفسك وخل النفس مسروره=ولي قسم خالق الارواح يرضيها
واختامها ياعسى الزلات مغفوره=والنفس تلقى سعدها عند واليها

[أبن الزعيم]

صح لسانك الشاعر بدر المرشدي

وصح لسان الشاعر المطيري

[برق الحيا]

صح لسانك الشاعر/ بدر

وصح لسان الشاعر / عوض الله المطيري

[بدر المرشدي]

صح بدنك اخوي ابن الزعيم

[بدر المرشدي]

برق الحيا صح لسانك وشكرا لك

[ناصر بن سعود]

الله الله

صح لسان كل واحد فيكم

ابيات جميلة ورد وافي

لاهنت ابوعبدالإله

احترامي

[الجالوق]

صح لسانك الشاعر/ بدر ،،وصح لسان الشاعر / عوض الله المطيري

[بدر المرشدي]

ابوسعود شكرا على مرورك

[بدر المرشدي]

الجالوق صح بدنك

[بعيد المدى]

صح لسانك الشاعر/ بدر

وصح لسان الشاعر / عوض الله المطيري