انا مانيب للشينات راعي

[بجاد بن محمد الحافي]

على البحر او الوزن الصخري قلتها قريبا ومن محتويات حقيبتي الكبيره والخاصه الا ان طلب الاخ الفاضل والشاعر الكبير سلمان بن عزيز بن مروي عندما سمعها كان وراء تنزيلها في هذا المنتدى الغالي على قلوبنا بكافة مواده وادارته ورواده امل ان تنال اعجابكم

انا مانيب للشينات راعي=ولا لي نية فيكم ونيه
ولو ماداعني للطيب داعي=ونا نفسي على الدنياء صبيه
صبيه عمرها عقب الرضاعي=تعده فاليدين الحاتميه
مكان اليوم حققت المساعي=ولا رجلي على العلياء رهيه
ولي عقلن عن الغرات واعي=يدبر الصائبه قدم الخطيه
لكن القلب وضلوعي وجاعي=كواهنه من الغالين كيه
على عمر قرب منه الوداعي=غدت فيه السنين السرمديه
بذل فيها الوفاء دايم ذراعي=عطاء للغاليه مثل الهديه
لي ما ذا القساء سلم وطاعي=وطيته بالقدم صبح وعشيه
رفيق الطيب والفعل الشجاعي=صديق الجود واليمنى النديه
متى بعض العقول الهوج ضاعي=لي العقل الثقيل عن الرديه
على رؤس العلى مبنى شراعي=ونا راع المراقيب العليه
تعشى من يدي جوعا السباعي=نهار فيه ينخون الحميه
نهار فيه ضاع الصبر ضاعي=على العاقل وأبو يمنا قويه
سواد اليل مايقصر الباعي=ما ييمس فالصحارى المهمهيه
على صفرا تجي وقم الرباعي=نهار العيد في نجد العذيه
عليها كلما أ شد النزاعي=تفضه بالنحر والشمس حيه
يسابق فوقها للعز ناعي= ولا تثني عزومي عنه شيه

الشاعر / بجآد ابوديه

[سلمان عزيز]

ابونايف ابداع يشهد علي الله لوان شهادتي فيك مجروحه


انت مانتب مجرد حافي انت اخو وابن عم وعضيد وبالنسبه لسلمان بجاد من الرجال الذين يفخر بهم سلمان على مر التاريخ فااحمد الله سبحانه انك اخو

يخونني التعبير عندما اتحدث عن شخص بقامة بجاد محمد لانني لن ولن اوفيه حقه

[بدر المرشدي]

ابومحمد صح لسانك وابوعزيز غالي والطلب رخيص

[ابن وافي]

ابو نايف


صح لساااانك ..قصيدك جزل دايم ولا تحتاج شهادة احد ...

ابو راكان منور اليوم ..عساك طيب ...



ابن وافي

[صقر عتيبة]

على رؤس العلى مبنى شراعـي

ونـا راع المراقيـب العلـيـه

تعشى من يدي جوعا السباعـي

نهـار فيـه ينخـون الحميـه

نهار فيه ضاع الصبر ضاعـي

على العاقل وأبـو يمنـا قويـه

للــــــــــــــــــــه درك ..
في انتظار جديد ابدعاتك..

[ابن سمار الحافي]

صح لساااااااااااااااااااانكـ


وفي انتظار جديدك

احترااااااااااامي

[برق الحيا]

ابونايف

صح لسانك

[بجاد بن محمد الحافي]

شكرآ اخواني على مروركم

ولاهنتم

[نايف بن مزيد]

ابو نـايف

لازمـ يطلع المخزون الي عندكــ
ابدعت....

وصـح لسـانك

[النايفه]

على عمر قرب منه الوداعـي
غدت فيـه السنيـن السرمديـه

لا ان شاء الله ما قرب منه الوداعي

وتبقى لنا استاذ وقدوه بالشعر

وصح لسانك ابو نايف

على القصيده الجزله