الخيانه رفيعه والحقايق تضيع(بنت قبيلتها)

[بنت قبيلتها]

يامحمد على بوحي عيونن وساع=داخلي ذيب يامحمد رثع فالقطيع
راضيه بالذيابه مير خوفي ضباع=تفشي السر والموت الحمر لايذيع
يامحمد نعيش سنين مرٌّه خداع=الخيانه رفيعه والحقايق تضيع
اختلف عهدنا واهل الضماير جياع=ذا زمان الخيانه ضعت لو ماتطيع
ابتعد يامحمد عن خسيس الطباع=وارفع العين واطمح فالمنازل رفيع
ابشع الخلق من يملك طباع الافاع=خاب فعله عسا له فالمهالك صنيع
مير حذرا يااخويه تنشرا اوتباع=واحذر الي له بعالمه مذهب وسيع
ولايغرك عذول ولايجيك اندفاع=تخسر اقرب قريب وتلحقه بالجميع
وخاتمة قولي يامحمد مناي استماع=وخلك ليا نخيتك لي حزام منيع

[مشيخها فعل ابوها]

صح لسانك ياشاعرتنا
لاجديد فأنتي منبع الجزاله
غبتي واتيتي بماهو ثمين ونفيس
تقبلي مروري

[بنت قبيلتها]

المشاركة الأصلية كتبت بواسطة مشيخها فعل ابوها

صح لسانك ياشاعرتنا
لاجديد فأنتي منبع الجزاله
غبتي واتيتي بماهو ثمين ونفيس
تقبلي مروري

صح بدنك عزيزتي ولاهنتي
مرورك وسام يالغاليه

[النشمي]

والله مدري وش اقول

لا جديد ولاغريب في الامر

اذا راينا من قايل القصيدة (بنت قبيلتها)

صح لسانك مدد بلا عدد

على هالقصيدة الجزله والطيبه

تقبلي مروري

اخوك : النشمي

[زمان الصمت]

صح لسانك شاعرتنا وبيض الله وجهك على هالقصيده المعبره والتي تحمل في طياتها عدد من النصائح ولك منى جزيل الشكر والتقدير والامتنان

[ولد مرقوص]

شاعره عملاقه وبنت ارجال
وكثر الله من امثالها

[ابن وافي]

بنت قبيلتها

صح لسانك ..مميزه ...


ابن وافي

[كاكا الحافي]

صح لسانك ياشاعرتنا
لاجديد فأنتي منبع الجزاله
غبتي واتيتي بماهو ثمين ونفيس
تقبلي مروري

[ابو مشعل]

جميلة جدا هذه النصيحة
ابتعد يامحمد عن خسيس الطبـاع
وارفع العين واطمح فالمنازل رفيع

وان كان كل من يتذوق شعر بنت قبيلتها له حق في التمعن فيه
والاكتساب منها

هذه الكلمات اعتبرها اصدق ماقالت بنت قبيلتها وان كان جمال الشعر اكذبه على قولة اهل الشعر لكن لماذا قلت هذا لانها كانت تنتقل من الذات الى الى الغير

راضيه بالذيابه مير خوفي ضباع

تفشي السر والموت الحمر لايذيع

هنا
الخيانه رفيعه والحقايـق تضيـع

توقفت كثير كيف تكون الخيانة رفيعة

لكن ايقنت انها الحقيقة احيانا

ابداع ايته الراقية بالمعاني والكلمات والجزالة
صح لسانك وعلا شانك
تحياتي

[منصور]

قصيدة لا بأس بها .

التفاؤل مطلوب و الحياة جميلة جداً فيها الكثير من أهل الخير و التقوى .