مشكلتنا فالبطانه

[ابن وافي]

الشقاء عذب قلوب الناس واسرف في ألمها= والدموع الي على اوجان الفقارى مستهانة
يستشفون السعادة والاماني من عدمها= والضمير الي حكوله ماتحرك من مكانة
دوروا حل المشاكل والمشاكل وش رسمها= غير تغييب الضمير وغير تضييع الامانة
مشكلتنا فالبطالة قالها الي مافهمها= لا وربي الي خلقنا مشكلتنا فالبطانة
بالقصور وبالتغاضي والتهاون نتهمها= من طيوف الشعب كله يستحقون الادانة
ناس عاشت فـ النعيم وربي بفضله كرمها= بالوسايط والرشاوي وصلوا ذيك المكانة
غيبوا شمس الحقيقة وابدلونا في وهمها= وصارت احلام السعادة في عيون الناس دانة
قل حال الناس زاد وقام ينهش في لحمها= ومجلس الشورى يناقش كيف تخفيف الاعانة
والاعانة وش تسوي وش تسوي لو خصمها= لو خصمها وش تسوي افهمو يا اهل الفطانة
يا الي تحط المبادي والمبادي تحترمها= اسئلك بالله ليه الضلم هذا والخيانة
ياخي ناضر فـ الألوف الي جنابك يستلمها= ليش مايخصم معاشك او على فلوسك حصانة!!؟
حط حيلك فالضعوف وصد عينك عن قممها= وانت تاكل وآنا آكل واترك السارق وشانه
قاعده عمت علينا خاب حض الي نضمها= وخاب حض الي تبعها وارتضى درب اللعانة
ذي بلدنا ذي بلدنا كيف بيدينا نهدمها؟؟= كيف نرضى بالفساد وكيف نرضى بالأهانة؟
اشتكوا خل الحقيقة ترفع يديكم علمها= زلزلوا من عاث فيها زلزلوا كامل كيانه
والأمل بعد الله بليثٍ تولاها وحكمها=ذاك ابو متعب عسى الله ينصرة ويعز شانه
قاله الي مابدتله كلمة الحق وكتمها=شاعر ٍ لأصعب قضايا امته سخر لسانه
وانا داري هالقصيدة الف واحد ما هضمها=لكن الباقين قالوا الله يسلم بنانة
مشكلتنا فالبطانة مشكلتنا في قيمها=بس ماهو ***وهم فيه قلة للأمانة
ومن يقول بغير ذالك اله نضرة واحترمها=المهم الي بقوله صار واضح في بيانه
والمشاعر لو تخير كان هجت من قلمها =وكان ماقالت قصيدة فالحريم وفالبطانة

م /ن /ق /و /ل

[ناصر الحافي]

صح لسان شاعرها ولاهنت يابن وافي على حسن الاختيار


تقبل مروري,,

[ابن وافي]

ناصر شاكر لك مروووووورك



دمت بود