رمي الخطاء مايسبب غير الازعاجي

[بجاد بن محمد الحافي]

رمي الخطاء مايسبب غير الازعاجي=ترمي ورميك يوقع من وراء الدشه
في صلبها دق مسماري على عاجي=الكلمه اللي تجي من يمكم هشه
خليتها تنثبر في وسط الادراجي=ولاهوب انا اللي رفيقه لاظهر حشه
أنا مقامي سماء عن كل هراجي=تقعد هروج الردي وتموت في عشه
كيف اتوقى عن الخشنات ديباجي=وانا اظرب القاسيه فالراس و الخشه
كنه وبعض الفعول الهوج محتاجي=ياحاجة ماتساوي فالبحر طشه
هاك الرفيق الردي مثل الوجع لاجي=تحت الضلوع المحاني ينطوي غشه
والعلم والله بسيل مثل الامواجي=أول مطيحه على رؤس العرب رشه
بحر يهيج وسماه المزن ثجاجي=تغرقبه القافله والحي يقتشه
لابو حيات(ن) عليها النفس تنعاجي=والعين من زيفها فالناس منغشه
لو قلت يا خاطري من فوق الابراجي=مرسا للراسك سواه عن النظر مشه
جيتك على الشام ونت اليوم حجاجي=طرقيتن كل رجلين نقل قشه
مع سكت الطيب يا ليل الدجاء الداجي=مالي علومن وراء البيبان منخشه
لاقمت ولعت في ظلماك لسراجي=وما تغداء الثناء والاّ معي عشه

الشاعر / بجآد ابوديه

[محمد النزال]

صح لسانك وسلمت أخي الكريم

[نايف بن مزيد]

لله درك يابو نايـف....

وبيض الله وجهك على هالقصيد الي يطرب....

لاعدمنااكـ

[الجذع الروقي]

صح لسان شاعرنا ...

[بجاد بن محمد الحافي]

محمد النزال
القنــــــــــــــــــــــــــــــناص
الجذع نواف
بيض الله وجيهكم على مروركم

[برق الحيا]

ابونايف

صح لسانك

[بجاد بن محمد الحافي]

صح بدنك ولا هنت

[النايفه]

رمي الخطاء مايسبب غير الازعاجي
ترمي ورميك يوقع من وراء الدشـه
في صلبها دق مسماري على عاجـي
الكلمه اللي تجي مـن يمكـم هشـه
خليتها تنثبر في وسـط الادراجـي
ولاهوب انا اللي رفيقه لاظهر حشـه
أنا مقامي سماء عن كـل هراجـي
تقعد هروج الردي وتموت في عشه
كيف اتوقى عن الخشنـات ديباجـي
وانا اظرب القاسيه فالراس و الخشه

الله الله اشهد بالله ابداع بماتعني الكلمه

صح لسانك يابجاد الحافي

[بجاد بن محمد الحافي]

النايفه انتي صاحبة الابداع وشرفتينا بمرورك ( كنت دائما استعجل على قراءة كتاباتك) لما فيها من الادب والصراحه ومصداقية الكلمه شكرا متكر ر على مرورك

[ابن وافي]

أنا مقامي سماء عن كـل هراجـي
تقعد هروج الردي وتموت في عشه

اعجبني هالبيت ...
الله الله

قصيدة مميزه ...استمتع بقراءة قصائدك ....

ابن وافي