الكبد ولع بها من واهج الكنه

[ناصر الحافي]

بسم الله الرحمن الرحيم

أهدي الجميع هذه الأبيات وأتمنى ان ترتقي لذائقتهم

الكبد ولع بها من واهج الكنٌه = اصبر عليها ولا ادري وش يداويها
اشحن هجوسي وكني قايداً شنه = على خفوقاً تبيح سر خافيها
الوم نفسي وفكري ماصدق ظنه = واتعبت رجلي على المشوار مشقيها
ماغير اغني وصوتي جاي له حنه = من جور الايام عافتني بلاويها
الصبر ولاُ وعوج الصدر عافنه = لا واوجودي من اولها لتاليها
قم يالمقهوي طراة الكيف مع فنه = عطنا دلالك مادامه مر طاريها
ثم كب حبك بوسط النجر ثم دنه = كنه يعرف القصيده يوم اغنيها
في مجلساً يجمع اهل الدين والسنه = اهل الوفا والرجوله من مباديها
ودلال رسلان في المنقال يزهنه = تشبه عيار الذهب فالجال مركيها
لو ان قلبي هموم الوقت ينصنه = شكواي لله ولا غير الله أشكيها
الشكر له والثنا والحمد والمنه = الرازق اللي نفوس الخلق يهديها
يارب انا طالبك ترزقني الجنه = من عقب ماتغفر ذنوبي وتمحيها

وسلامتكم ,,,

[طالب الحور]

يارب انا طالبـك ترزقنـي الجنـه* من عقب ماتغفر ذنوبي وتمحيهـا

آمين
صح لسانك شاعرنا الشيخ ناصر الحافي

لاهنت على القصيدة الجزله يابن عمي

[نايف مطلق بن مصيبيح]

اخوي ناصر

صح السانك

شاعر متالق دايماً

الله يوفقك

[الوليد الحافي]

ناصر صح الله لسانك شعر راقي

[ناصر الحافي]

قوقل - ابو راكان - الوليد المتعب

صحت ابدانكم جميعاً واشكركم جزيل الشكر على مروركم الكريم واطرائاتكم


دمتم بود,,

[عبدالرحمن الحمد]

صح لسانك يابو محمد وبيض الله وجهك
جزل

[ابن وافي]

صح لسانك يا شاعرنا

وبيض الله وجهك



تقبل مروووووووووووووووووووووري

[سعود الحـافي]

لو ان قلبي هموم الوقـت ينصنـه
شكواي لله ولا غيـر الله أشكيهـا
الشكر له والثنا والحمـد والمنـه
الرازق اللي نفوس الخلق يهديهـا

ونعم بالله قصيدة رائعة ومازادها روعة هو إرتباطها باليقين

والتوكل على الله وهذه هي الشاعرية الفذة

صح لسانك ياناصر

[- الوافي -]

صح لسانك ويعطيك العافيه

[حامد الروقي]

صح لسانك

عسى الله يغفر ذنوبنا كلنا .


تحياتي