((الإبهام ))

[تركي الثبيتي]

وجودي وجود الصابر المبلي المقهور=وجود العليل اللي عليه القدر حامي
أنا اللي زماني تلني تلت المغدور=حداني على المجهول والحظ ما قامي
وأنا اللي زماني ما جبر عظمي المكسور=تضاعف صوابي واندمل جرحي الدامي
وأنا اللي شكيت من العنا والشقا والجور=تجرعت لوعات الليالي والايامي
وأنا اللي حياتي ما دخلها فرح وسرور=علّي الخطر والخوف خلفي وقدامي
وأنا اللي زرعت الطيب يوم الديار دهور=سقيته من إمزون الحيا وارتوى الظامي
تحملت من لا له شريعة ولا دستور=ولا له دلائل في سجلات الأحكامي
يقولون وش لك ما حصل في الزمان قصور=سوالف مجالس كلها شك وأوهامي
حذاري تعذرب كان مالك سند وظهور=ولا لك قسم معروف من بين الأقسامي
تريّح ترى منته على ما مضى مشكور=طريق الوفاء والطيب مزروع بألغامي
قليل المعرفة صار بين العرب مشهور=تعدى حدوده بعد تحقيق الأحلامي
حراسات ليليّة على قصرة المعمور=يحومون حوله والخفارات بأرقامي
مسيره حياته تدّهر والخبر منشور=زبون الصحافة حبر في بعض الأقلامي
إذا من حضر صفق له إبليس والجمهور=مربّع حلال القوم وعياله أيتامي
سواتك يشوفه من غروره كما العصفور=تغانم حياتك لا يعبّدك الأصنامي
وأنا أقول يا لمغرور ليت الزمان يدور=وأشوف المعلم وش بقاله من أعلامي
عسى من يلوم المبتلى ما يشوف النور=يجيه العمى وإليا بغى النوم ما نامي
ولا له دوى لا عند كاهن ولا دكتور=ونهار الأجل لا قام صلى ولا صامي
عيون الحقائق لبسوها لباس الزور=من الرأس حتى لا مسوا روس الأقدامي
سوالف غريبة تنشب الزاد في الحنجور=عليها تواقيع الخوامس بالإبهامي

[برق الحيا]

تركي


صح لسانك

[بنت قبيلتها]

صح لسانك ولاهنت ياتركي الثبيتي
ابيات توجتها بماء الذهب
دمت ودام نبض

[غريب ابن سمار]

صـــــح لــــســـــانـــــكـ

[صقر الثامرية]

تركي


صح لسانك