وش بلاه اللاش متحامل عليّه(بنت قبيلتها)

[بنت قبيلتها]

مابقى بي عرق يتحمل اذيه=ذابت عروقي من احداث الزماني
ولابقى لي كبد تتحمل خطيه=جرمهم يقضي على كامل كياني
ياسنين الجور وش تبغين بِيّه=ماكفاك اللي من اسبابك كساني
من عقب ماكنت للغالين فَيَّه=صرت ادورلي رفيق ن مانساني
ايه اعرف ان اخر الاطباب كيه=والكوايا دمرت عوج المحاني
كنت اكابر كن مابالنفس شيه=كنت اقول الصبر دام العمر فاني
لين فاض الصبر مالي مقدريه=حيلتي باطلق مع الشكوى عناني
وقتها طاح العزم وانا رديه=لعنبو حتى الصبر قام ايعصاني
ميت ن قلبي ومع موتته حيه=مات حسه لكن النبض متواني
الجروح المبطيه توها نديه=كيف تبرا دامها بولية اناني
وش بلاه اللاش متحامل عليه=وش بلاه اللي بوسط القوم داني
قام يرهج مع ردا حظي سويه=وكل مااحتجته من احزاني عطاني
التجاهل يورد حياض المنيه=والخبل لامن تجاهلته بلاني
والله ان اللاش ماله قابليه=لو تبين لي مع سهيل اليماني

[أوكسسجين ~]

صح لسسـآنك يـآبنت قبيلتهـآ ..

ششـآعرة جزلة من زمـآن ..

والله أن القصيدة قمة ..

فيهآ الكثير من الصور اللي تنحط ع الجرح ..

قصيدة عظيمة تنآفس المعلقـآت ^ـ* ..

أسسستمري ولآتحرمينـآ من جديدك ..

[مشيخها فعل ابوها]

يكفينا من قائله القصيده لاتأتي الا بالنفيس القيم
صح لســــــــــــــــــــــانك يابنت قبيلتها
وتقبلي مروري

[ابو مشعل]

والله ان الـلاش مالـه قابلـيـه
لو تبين لي مع سهيـل اليمانـي

يبدو ان بنت قبيلتها تحاكي الواقع وذلك لضهور سهيل هذا اليوم الثلاثاء 14-9-1431
فهل ماذكر كان مصادفه اذن هو جمال الشعر
وان كان حدث حصل فاان الكبير لا يضيره شي
للذكرى بيت مستعار
الطيب شيد داخل الروح بيت
والكره من دفتر حياتي شطبته

بنت قبيلتها دائم متجدده في العطاء والتحمل

صح لسانك وعلا شانك
تحياتي

[محمد النزال]

صح لسانك على الأبداع

[سعود بن سعد الحافي]

صح لساااااااااانك مليوووووووون يا بنت قبيلتها

ولاهنتي يالشاعرة

مع تقديري لك

**********

[بنت قبيلتها]

المشاركة الأصلية كتبت بواسطة أوكسسجين ~

صح لسسـآنك يـآبنت قبيلتهـآ ..

ششـآعرة جزلة من زمـآن ..

والله أن القصيدة قمة ..

فيهآ الكثير من الصور اللي تنحط ع الجرح ..

قصيدة عظيمة تنآفس المعلقـآت ^ـ* ..

أسسستمري ولآتحرمينـآ من جديدك ..

صح بدنك يالغاليه ولاهنتي على المرور
لك اجزل التحايا والتقدير

[النشمي]

الله الله الله عليك شاعرة شاعرات المنتدى (بنت قبيلتها)

هكذا الشعر ولا فلا

صح لسانك مدد بلا عدد

وشهادتي فيك مجروحه فانتي مثل للجزاله والشعر الحقيقي

تقبلي تحياتي

اخوك : النشمي

[ابن وافي]

وش بلاه اللاش متحامـل عليـه

وش بلاه اللي بوسط القوم داني

يكفي هالبيت ..صح لسانك قصيده جزله ...

ابن وافي

[كاكا الحافي]

صح لسسـآنك يـآبنت قبيلتهـآ ..

ششـآعرة جزلة من زمـآن ..

والله أن القصيدة قمة ..

فيهآ الكثير من الصور اللي تنحط ع الجرح ..

قصيدة عظيمة تنآفس المعلقـآت ^ـ* ..

أسسستمري ولآتحرمينـآ من جديدك ..