شاعره وأنظم من الدرالعديم--للنايفه--

[النايفه]

بسم الله الرحمن الرحيم

ياالله اني طالبك صبر الحليم =يازبون العبد في ساعه بلاه
منجين مريم مع الطفل الكليم =يوم اشارت له تبي منه البراه
قال انا من خلق علّام ن رحيم=روح قدس وفالمهد تنطق شفاه
ياولي العرش يالرب العليم=تعلم البيّن وتعلم ماخفاه
فالكتب وش قال لقمان الحكيم =قال ما وصلت به علوم الرواه
من كتم غيضه ذو حظن عظيم = ولا يوفق غير من ربي هداه
ما يجيب العلم رجالن سقيم = ولا عطا المجنون للعاقل وصاه
الكبر خصلة من الرجل الذميم=وانكر الاصوات صوتن ما تباه
من بدأ بالظلم بالظلما يهيم = يوم كلن بـ مافعل تشهد عضاه
وش ثمن دمعة على خد اليتيم=ووش لزوم الصوم لا انكرت الصلاه
الخطا ما ارضاه في دربي يقيم=انحر المخطي و ارده عن خطاه
شاعرة وانظم من الدر العديم=ملهمة والشعر يوحا لي وحاه
ما اعرف بحرن يسمونه طميم=ولا اعرف وجه يشكّل من قفاه
اعرف انه في الصدر مثل النسيم=ياخذ الاحساس يا ذعذع هواه
كان خنسا اخت صخرا من سليم=سجلوا فالكتب من شمر فتاه
ماعطيت اللغز ابي حل الفهيم =لا حشا قصدي بها حبل النجاه
النصيحة مطلبي والشر نيم=لين كش اللاش والحقني وذاه
ياتعلّق قافية شعري غشيم=جزت عن حرفه ويعذرني غناه
وشبلاه الذيب صوته به رهيم = قص كتفه وطبخوها في غداه
ياخساره من زرع زرعن هشيم= ما جنا غير المهالك في وعاه
وياخسارة من يناصح له لئيم = انتثر حبه قبل ياصل رحاه
الحراراحرار لو لاجت بغيم = ماتجيب الا السمينه في عشاه
من فقد ابوه جت امه لطيم =ومن فقد مبداه هوّن عن عزاه
يازمان اليوم لاتغدر حميم = الزمان الي مضى درسه عطاه
من غدر بخوه شيطانن رجيم =لا تعده بالوجيه ومنه جاه
ومن تسمى بذيب وهو ضانن وخيم=اكسر انيابه يصير الذيب شاه
ومن تسمى حر وهو ريشه ظليم=قص جنحانه وخله حول ماه
ومن يقول انه رجل توه فطيم= جاهلن يلعب وعيني من وراه
ويرتخا محزمك والتم اللميم = لاتواجه جمع قومن في حصاه
ترهقك كثر المصايب ياغريم=وينهدم بيتن حكم شيخ(ن) بناه
جبتها لك من ضميري بالصميم =لا تعزو باسم ما تحمي حماه

[ابو عتب]

صـــــح لسااااانكـ اختي النااااايفه..!

[فهد مزيد الحافي]

قوية يابنت شمر......(وانتي قدها)............................................. صح لسانك

[االعذووب]

ماقول اكثر مماقال اخوي فهدمزيد قويه يابنت شمر



صح لسااااااااااااانك مليوووووووووووووون

[بعيد المدى]

النايفه صح لسانكـ

ومهما كتبنا يعجز التعبير عنك

اجمل التحايا مع فايق التقدير والاحترام

[النايفه]

المشاركة الأصلية كتبت بواسطة ابو عتب

صـــــح لسااااانكـ اختي النااااايفه..!

حياك ابو عتب صح بدنك

مرور راقي

احترامي

[ابو محمد الرقاص]

صــــــــــــــــــــح لسانك على القصيدة الجزله وعوايدك وماهي غريبه على مثلك


وتقبلي تحياتي............... مشكووووووره والله يعطيك الف عافيه

[محمد بن ثامر]

كان خنسا اخت صخرا مـن سليـم

سجلوا فالكتـب مـن شمـر فتـاه

,,

,,


جبتها لك من ضميـري بالصميـم

لا تعزو باسـم مـا تحمـي حمـاه



صح لسانك



تقبلي مرووووري

[زمان الصمت]

صح الله لسان شاعرتنا ومبدعه مشاء الله

[النشمي]

الله الله االله

فيها من الحكم والمعاني مايكفي بلد مثل سابقتها

صح لسانك مبدعه يالنايفه وشهادتي فيك مجروحه

تقبلي ودي واحترامي لكم ياشعراء شمر

اخوك : النشمي