الثلاث الخود ـ اخذ ورد

[حامد الروقي]

بســــــــــــــــــــــــــــــــــــــــــــم الله الرحمن الرحــــــــــــــــــــــــــــــــــــــــيم





الشاعر / فهد العتيبي يقول .....

سيّري بي يا هجوسي على خطّ القصيم=لين اجي لـ الفايزيّه واوقف موتري
لي رفيق اغليه واحلف بـ الله العظيم=انّ له قدر ومكانه كنزها خاطري
جيت له فازع من العاصمه حالي سقيم=أبتغي منه المشوره على الوضع الزري
حالم ٍ لي حلم يا حامد ومثلك حليم=في ثلاث ٍ خود ملبوسهن فيه العري
واحده مثل القمر دون نوره حال غيم=واغتمى قلبي وانا فـ الهوى ماني صري
مار الاخرى تفتل الحبل لابليس الرّجيم=كنّها تعطيه اشاره وتزحف له قري
والاخيره تزرع الموت بـ حزام البريم=تظهر الضحكه لو القلب مغسول بـ شري
يا خويّ الجنب رحال فـ الدنيا مقيم=والاقامه نزهة العمر والمتهم بري
ما وصلتك غير خابرك لك راي ٍ حكيم=من كنوز المعرفه يا ولد عمّي ثري
واعرف اني ماشي ٍ بـ الصراط المستقيم=مـ التوي في حبل باس ولباس المفتري
في صروف الوقت يا صاحبي ماني غشيم=لـ السّعد باب ٍ على الحق قصّاده جري
عاده الله خير مشوار سقته لـ القصيم=يا رفيق ٍ له مكانه وقدر بـ خاطري

تمت


الرد ـــــــــــــــــــــ

مرحبا ماحرك الراك نسمات النسيم = والشجر يهتز والورد والغصن الطري
بالخوي الشاعر الفذ والحر العديم = من دياره لين جاء لرض نبت السكري
احتفل بقدومكم مثل مايقدم زعيم = لاحضر ثم صف لجله سلام ٍعسكري
واذبح لشوفتك حيلٍ من الحيل النعيم = منسف مايوم قدمت فيه البربري
سلم ابوي وجدي وسلم من سمي كريم = مانبيع سلومنا لو برز من يشتري
والثناء والشكر لله ذا الفضل العميم = مكتسي جوده من ايميني لحد ايسري
غير ذا حلمك عسى خير من رب عليم = ان كشفته مشكله وان سترته يهتري
من قديم الوقت ماينجح الحب اليتيم = لو عرجبه للفضاء والقمر والمشتري
واصل المشوار والنصح ينجي من جحيم = يمكن الله يصلح الفاجره والسرسري
كم قلوب تاهت بعتمة الليل العتيم= وانعم الله بالهدايه وصارت تبصري
وكم زهور عطرها فاح في كف البهيم = واختطفها من سقاها وقال الها ازهري
ماهديت اللي تحبه الى الدرب السليم = لو تنوع بالدعاء سر ولا تجهري
كان ربك ماهداها قبل تصلى حميم = عاشت ايام العنا والزمان الاغبري
والختم صلوا على صاحب النهج القويم= صاحب العرض النقي والجبين الازهري

وسلامتك اتمنى ان نقدم مايفيد


تحياتي.

[النايفه]

الله الله

صح لسان فهد العتيبي

وصح لسان حامد الروقي

احترامي وتقديري لكما

[زمان الصمت]

الله يعطيك العافيه

[ناصر بن سعود]

يامرحبا ومسهلا يابوناجي

الله يحييك في منتداك

من طول الغيبات جاب الغنايم وهذه أولها

صح لسان كل واحد فيكم

جزلين الله لايضركم

احترامي

[بنت قبيلتها]

صح لسان العتيبي وصح لسانك يالروقي

منبع القصيد والجزاله انتم
لاهنتوا

[حامد الروقي]

المشاركة الأصلية كتبت بواسطة النايفه

الله الله

صح لسان فهد العتيبي

وصح لسان حامد الروقي

احترامي وتقديري لكما

صح بدنك اختي العزيزه : وشاكر لك من الاعماق مرورك الكريم

المشاركة الأصلية كتبت بواسطة زمان الصمت

الله يعطيك العافيه

الله يعافيه ويطول عمرك اخوي : زمان الصمت

المشاركة الأصلية كتبت بواسطة ناصر بن سعود

يامرحبا ومسهلا يابوناجي

الله يحييك في منتداك

من طول الغيبات جاب الغنايم وهذه أولها

صح لسان كل واحد فيكم

جزلين الله لايضركم

احترامي

تبقى وتدوم ياطويل العمر / صح بدنك
ويسعدني تعليقك

تحياتي.

المشاركة الأصلية كتبت بواسطة بنت قبيلتها

صح لسان العتيبي وصح لسانك يالروقي

منبع القصيد والجزاله انتم
لاهنتوا

صح بدنك نيابتا عني وعن فهد

وشهادتك تسعدني


تحياتي.

[Golden Boy]

صح لساااااانكم

[غريب ابن سمار]

صح لسانكـ


لاهنت ياغالي


تقبل مروري


غريب ابن سمااار