قصيدة شاعر الوطن خلف بن هذال الحافي في الجنادريه 1429هـ

[Google]

بسم الله الرحمن الرحيم

هذه قصيدة خلف بن هذال في الجنادرية 1429 هــ

بدية أبمبتداه المبتدي في نشرة الأخبار = من الموجز يفصل صاحب النشرة عناوينه
سلام الله سلاماً يشمل الغياب والحضار = على راس الزعيم إلى عساها تبطي اسنينه
ملكنا القائد العلا ملكنا الفارس المغوار = ملكنا إلى مقاليد الأمور تعود بيدينه
ملكنا ريفنا ومضيفنا هو سيفنا البتار = على الضالم عذاب وينصر المظلوم من حينه
تحمل ثم تحمل ثم تحمله له هموم أكبار = حولها لو تحملها جبل ثارة براكينه
سما براس جاك الخالدات لمفردات أبكار = يوجهنا بعون الله وحنا من معا وينه
ملك راعي ملك داعي ملك تلفت له الأنظار = ملك ميمون تمتد الامانه من ميامينه
تسلسل من مياميننا لهم بشامخات أشعار = شعار الحق بالمنبر من الشبهة معرينه
تفانوا وستماتو عن مباد يهم هم الثوار = رموز الدرب الأبيض من ثلاث أقرون محيينه
على الملة ولأبدعه ولأخدعه ولاستعمار = هذا قانونهم محداً فرض فيهم قوانينه
لك التمجيد يا صنديد ونت السيد ونت البار = تبر ولا تضر ومعدنك بطيب تعدينه
معك ساعدك أخوك وله جزيل الشكر والمقدار = ولى العهد ما خليت عن الناصي مواعينه
من العرفان يا سلطان والإجلال والإكبار = جميلك روضاً اخضر بدهر خضرا بساتينه
حميت أقصى الحدود من العبث وأنت الذراء وستار = على يمناك يا درع الوطن حفضه وتحصينه
ندافع عن وطن ينعم بخير وعز و استقرار = مهوب لمن بغاه من أول التاريخ حامينه
ولو واحد يمس حدودنا خاب وهبا ونهار = يفكر قبل يا قع والوطن فيدي سلاطينه
من أولنا ليا خرنا ندير الناس ما نندار = زعامة من زعامة ثابتة والحكم مر سينه
على هاماتنا قام الكيان بحس وستنفار = من البيداء يخيط أبه السماء من عج اكاوينه
مئات من السنين ولا حكمنا طاغين جبار = ملينا الأرض عدل وعرضنا بطهر مالينه
ندافع عن عقيدتنا ندافع لو تروح أعمار = صبين ما يدافع تر ربت يسراه ويمينه
لنا دستور نحكم به ولا يغدر بنا غدار = مضينا به وقمنا به ولاحنا مخلينه
ولاحا خاف نومنبه ولارهبان والحبار = ولا ملحد ولا بوذي بشرع الله نافينه
ولا ترحيب بتفجير والتنصير والكفار = هدفهم قلب ألامه يفصلونه عن شرايينه
عن تظليل وتهويل معطين الزمان إنذار = تجرعنا الوقاية من سلوب المعرفه تينه
ليهتز الردى نرميه من خلف الظهور أيسار = وله ما نلتفت ولجدول المرسوم ماشينه
تراث أجدادنا عشنا عليه وبه نموت أحرار = حراب السيف ساعات الوغاء بدم مر وينه
(------------- )القوم رجعنا الرقوم أصفار = تحت راية بطل بلحيل مرضينا ومرضينه
نجاهد في سبيل الله ونطلب ربنا الغفار = يحل ذنوبنا وعيوبنا بأسماه داعينه
نبي الجنة وهل سنه ولدين الحنيف وصار = وعفو القبر ما يعطيك من لنبه ومن طينه
رجالاً مالها دين وكرامه واعتبار ودار = تطيح ولا تقوم وتنتهي بذل ولعينه
ترى التفريط والإفراط يجلب لشعوب إضرار = مرض معدي وفيه الطب ما بانت براهينه
نبي الدين الوسط يضفي على الوجه المليح اخضاب = عمر برعاية الرحمان وخس الله شياطينه
عسى حرابة أهل الدين ما يابقالهم ديار = على وجه البسيطة والله المعبود راجينه
هذولا نورنا وسرورنا للمهتدين أنوار = قناديل الظلام ليا غداء الساري مدلينه
عدانا برقو فينا ودقو فنعش مسمار = يشين تفرجه ياشينها وضعف ياشينه
غزونا غزوتن مامثلها وسط النهار جهار = ولابه مرشداً يستنكر الإرهاب ويدينه
محركة الفتن من طبعها تظرب على الأوتار = مغنيهم يجيبلك الطرب عزفه وتلحينه
شباب المسلمين من الحظائر يوخذون أغرار = بكيت الأغبياء يا لأغبياء وين الذكي وينه
لعبتو في وطنكم وسط أهلكم من عليه يغار = غديتم في هواء الشيطان وين انتم مودينه
صواقط تدعي من غير حجه والجنون أطوار = ضعوف نفوس خليا روس مختله ومسكينه
براعم غاوية للهاوية يجريبها التيار = من أصغرهم ليا كبرهم تحت عشرين تسنينه
أليا غابت عقول الناس عنها عميت الإبصار = يربا الكبش ويجر الذكاته عقب تسمينه
غلط يا نائمين أصحو ترى نوم السبات أخطار =شعيب السيل هادر ويتحدر من مثامينه
ليا حل الثعل بألفين أسد من شافهن يحتار = ثعالب لو عليهن من تواصيف الاسد عينه
وليا حل الاسد بألفين ثعلب غير المعيار = صنع منهن اسود ولونهن طابق ملاوينه
وانا مانيب بشاعر للوطن كل الوطن شعار = سمع بيع وشراء بالنقد لا سلفه ولا دينه
وانا ما اقول عالم يعلم اللي سير الأقدار = أفراس امن خيالٍ مارس ٍ ما ضاع تخمينه
حفرت من البحور بحور ما يعبربها البحار = ولا دورت للبحار وأغرتني مثامينه
شربت من القناعة والمناعة بالضمير الحار = ولي نفس رضت بالوقت في عسره وفي لينه
لقيت الحقد يأكل صاحبه مثل الحطب والنار = يشوف من الغباين حي ويموت بطواعينه
إذا خاطبك عاقل صارحه يشبعك بالأفكار = وإذا خاطبك جاهل قل يا زين الهرج يا زينه
ولا مالت بك الكفة تخير فرجال أخيار = على الكفة موازينك تعادلها موازينه
سألتك يا هنيه يابو مازن وش حصل وش صار= ورا ميثاق مكه مالتزمتو في مضامينه
دعاكم رجل ما يرضى على الإسلام وصمت عار= يقود عروبته ويعض بناجذ على دينه
ملك مسلم ملك محرم ملك يستقبل الزوار = كبير الجاه ونتم في جوار البيت ناصينه
جمعكم يا اثنين اخوان وعطاكم من الاشوار = ولايا ليتكم يوم استمعتوله مطيعينه
سعى بصلاح ذات البين صلحاً ما عليه أغبار = مثل شمس الضحى بشهود عدل وتم تدوينه
هذا الفعل الجميل إلى يخلد لرجال أذكار = أمام المسلمين وربنا يرعاه ويعينه
تباشرنا فرح ونحلة ألازمه بجني إثمار = وش إلى دار والماضي وري السلات طاوينه
تفرجتو على الرأي الصواب وبورك المشوار = وعودتٌ علي غاياتكم والقدس ناسينه
يعل الله يجمع شملكم ويشتت الأشرار = تنافركم يمكن غاصباً ما كان تمكينه
كلام بدون غاية ونهاية شجب استنكار = مثل عابر ليا طاح الجمل كثرة سكاكينه
ولا ننساك يا حسني مبارك يا عزيز الجار = برزة بموقفن يفشل به المحتل ويهينه
فتحت أرض الكنانة وصبحة غزه بدون أسوار = كسرة الحصر عن شعباً يضيق الكون في عينه
عزيمة يعربين من بني يعرب يرد الثأر = أليا ضاقت عليهم مصر تاسعهم ميادينه
تجهمت الحواجز واقتحمت وسهل المعبار = عبر شعباً نفد منه الغذاء يطلبك تموينه
بعد شرد وجرد من بلاده من يبا يختار = يوطن في زحل ولا على المريخ توطينه
يمين إن الحياة احلام ليل وللحروب أسرار = يجي يوماً قريب ويرجع الاجي لراضينه
يرد الحق من خشم العدو والحق ولإصرار = بعد ما ضاع والعلم الو كاد يعود لجهينه

[/align]

[ناصر الحافي]

صح لسان شاعر الوطن خلف بن هذال الحافي على ماقدمه في جنادرية 23 وليست بغريبة على أبو هذال



لاهنت ياقوقل وبيض الله وجهك واشكرك جزيل الشكر



دمت بود,,,

[Google]

يابو محمد

عطرت الصفه بمرورك

[المايسترو]

صح لسان ابو هذال .. ولاهنت على النقل ياقوقل

[Google]

المايسترو

مرورك كافي

تحياتي

[بن كليفيخ الوافي]

جوجل الله يعطيك العاااااااااافيه علي النقل

وصح لسان شاعر الوطن خلف بن هذال الحافي

[وناسه الحافي]

صح السان شاعر الوطن وبيضالله وجهك يا قوقل على النقل
أخـــوك/ونــاســه الــيــابــس

[مرزوق الحافي]

صح لسان ابو هذال .. ولاهنت على النقل ياقوقل

[الروقي]

صح لسانك ياابو هذال ومشكوررر قوقل على النقل

[محمدالوافي]

لـلــــه درك ياأبـو هــذال ماهي غريبه عليك ايطول في عمره

وتســــــلـم ياقوقل على النقل


محمد الوافي