بـــــــــــلـوتـــــوث

[بدر الحافي]

	عند سماعي لبلوتوث فيه احد الشعرا يلقي قصيدة لاتليق وباسلوب غير لائق (الشاعر من الشعراء المعروفين على الساحة) قلت هذه الابيات

	ياحسين دام الشعر للناس موروث = من مدح ولا من سمان المراثي ولا ضميرن من عنا الود مغثوث = ولا لعودن بالقصيد استغاثي ماهوب هرجة واحد فيه مغلوث = ومدح الصحافة زاد فيه الغلاثي يامسندي لاعاده الله بلوتوث = انا اشهد ان الي يجيبه مثاثي يامسندي بيتن من الساس منبوث = والي بقا للساس رابع ثلاثي وحبلن قصر ماهوب مثني ومثلوث = لوهو على وسق المطيه يلاثي وحب يكال ووسطه السوس مبثوث = ماينبغى حبن به السوس عاثي ولا يستوي ورد من الشام مع روث = الورد يسقى من شهد ما يراثي وان كنت للشعار والشعر محثوث = فرق مابين ذكورها والاناثي وعندي على ذلك تقارير وبحوث=تجيك حاضر ماوراها لثاثي خالك يفك الحبل لا صار منكوث = وابوك ينقض ما عقد بالنفاثي يطرب لهم سالي ومغرم وملهوث =وعنهم ترا ياحسين مانته بواثي هذا كلامي وحفظه والك موروث = ما سجلوه اهل النفوس الخباثي

[الوليد الحافي]

الجافي011

صح الله لسانك

شيبت القاف وهذا دليل على قوة شاعريتك

[بدر الحافي]

الوليد اتشرف باطرائك
شكرا

[سلطان الحافي]

الحافي011

صح لسانك مليون

قصيده جزله بجزالة شاعرها

سجل اعجابي


مودتي,,,,,

[بدر الحافي]

شكرا سلطان على مرورك وتزداد جزالة بك وشرواك

[المايسترو]

صح لسانك ياحافي

بيض الله وجهك

[شلوة الكفار]

اخوي حافي 011

صح السانك

العالم كل واحد منهم يبي يصير شاعر يشتهر مثل باقي الناس

وعند ماتستمع لشعار الساحه

تجد الجزل وارثيث وازين وشين

تحياتي

[بدر الحافي]

المايسترو وجهك ابيض اخوي لاهنت
شلوة الكفار صح بدنك وانا قصدت الشاعر هذا ومن على شاكلته

اشكركم على الاطلاع ويشرفني ذلك

[ابن وافي]

الحافي 011


صـــــــــــــــــح لســــــــــــــانك


وفعلاً هذه صارت طريقه لشهرة الشاعر او المستشعر الى مايدري وش السالفه ............

تقبل مروووووووووووووري

[بدر الحافي]

ابن وافي الله يرعاك