الوليد فديتك

[بدر الحافي]

الوليد مساء الخير اسمع

مرحبا بالشاعر الي يذكرونه في عسيلة=من جنوب ارطاوي الرقاص تمشي به شمالي
مار لاهالحين والله ماتبين لي حصيله=مادري اسميه الاقصى ولا اسميه الموالي

[سلطان الحافي]

المشاركة الأصلية كتبت بواسطة الحافي011

الوليد مساء الخير اسمع

مرحبا بالشاعر الي يذكرونه في عسيلة=من جنوب ارطاوي الرقاص تمشي به شمالي
مار لاهالحين والله ماتبين لي حصيله=مادري اسميه الاقصى ولا اسميه الموالي

الحافي011

الله الله

على البدايه الجزله

وصح لسانك

وفي انتظار .....

الوليد الحافي

مودتي,,,

[بدر الحافي]

سلطان صح بدنك
والمكان جزل وحقه الجزل

الله يرعاك

[سلطان الحافي]

الليل الليل

يالوليد

[الوليد الحافي]

البقا بك يعميلٍ رحب وهلا بعميله = وصف الدار المسمى دونها حرب القتالي
كان تبحث عن حصيله قربو خشم الفتيله = ثم تبشر ياوسيع المعرفه من كل صالي

[سلطان الحافي]

الله الله

صح لسانك

يالوليد

واصلوووووووو

متابعين

[طالب الحور]

متابعين ياشعارنا بارك الله فيكم

[بدر الحافي]

يابن حافي كلها ديرنا وحنا من قبيلة=ان بغت فالسر ولا من ورا السود الطوالي
اسمك اكبر منك يالي جيتنا بالمستحيلة=انت ماانت من السمو ولا من اصحاب الجلالي

[الوليد الحافي]

والله ونعمن فيكم لابةً ماهي قليله=مار هرجي يم ناسن فكرها بالخير خالي
يوم دقلات الجيوش اللي تنومس بالاصيله=اسمي المشهور عجزت لاتشيله الجمالي

[بدر الحافي]

انت هرجك والله ان صعب يالقرم تحليلة=نوب تعطيها جنوب ونوب تعطيها شمالي
يا فقير البدو ماشفناك من فوق الكحيلة=احمد الله واشكره في ظل حماي التوالي