بلاوي تجعل الواحد يهذري دون لايدري......

[ابن وافي]

يعين الله من دنيا بلاويها غدت كالسيل
بلاوي تجعل الواحد يهذري دون لايدري

تصبّح به تمسّي به تضيّق حالته بالحيل
تسرمد همّ عايش به من الميلاد للقبري

سنين العمر تمضي به وحاله صايرٍ كالليل
ظلامٍ موحشٍ دامس..ظلامٍ ينشد البدري

بلاوي حاربت ديني وخلّت زمرته فالويل
وخلّت من تمسّك به يقول اللــه بالصبري

يعيش بكون واللي به يشوفونه من أهل الميل
بلاوي صابت العالم عساها ياعرب تسري

وعزّ النفس ياعزّه عزيز ولا عرف تمثيل
يـ محلا من رفع نفسه يـ محلا العزّ بالدهري

يـ محلا من يصون النفس ويمنعها من التذليل
ويعسفها على الرفعه ولا يجعل لها عذري

ويجعل هامته ترقى وترقى دايماً لسهيل
ولايطلب ولايرضى سواها شامخة تطري

ويحوز العلم بأنواعه:علوم(ن) جابها جبريل
علوم(ن) تسعد الواحد وتجلي دومة الكدري

علوم(ن) سنّها الخالق ونزّلها لنا تنزيل
وخلّا كل فاعلها يموت ولا شكا النشري

علوم أسلافنا الزينه علوم الأصل والتأصيل
علوم اطيّب الخاطر علوم(ن) تشبه الزهري

علوم العصر مطلوبه ولكن رشفها تفصيل
علوم علوّ يامرحب وباقيها ورى ظهري

وختام القول ياربي عساها دايماً تسهيل
ويكون الكل معتوق(ن) من اللي بليلة القدري

[شلوة الكفار]

سلمت ابن وافي

الله لايجيب الهم والنكد

في حياتنا

اللهم امين

[احمد الحافي]

يعطيك العافيه

[ابن وافي]

المشاركة الأصلية كتبت بواسطة شلوة الكفار

سلمت ابن وافي

الله لايجيب الهم والنكد

في حياتنا

اللهم امين

اللهم أمين شلوة الكفار

والموضوع كله قصيده والدنيا بخير أبشرك

دمت بود

[ابن وافي]

أخوي أحمد يعطيك العافيه ع المرووووووووور