لا والله إلا يا خلف شاعر وطن وافي شبور ( رساله للشاعر خلف بن هذال ) صوتيه

[ماجد بن هلال]

بسم الله الرحمن الرحيم
السلام عليكم ورحمة الله وبركاته
بمناسبة الترقيه لمرتبة فريق التي حظي بها الشاعر الكبير شاعر الوطن / خلف بن هذال العتيبي
والثقه من ولاة الأمر .. أدامهم الله ذُخراً للوطن ولمواطنيه ..
:
يسرّني ونيابة عن قبيلة عتيبه كافّه .. أن أبارك له بهذه القصيده المتواضعه ..
:

:

.. للحفظ .. !

من فرحة الشعب السعودي للفرح عندي حضور = الفرحه اللي عشت فيها .. شفتها و أوحيتها
كنّه ندا .. صوت وصدى .. لأبعد مدى .. هذا السرور = والفرحه (إ)لها ليتٍ أزريت آصل أقصى ليتها
كلٍ يبارك يا خلف عن لابته بأصدق شعور = مباركاتٍ جيت أبحصيها عدد / ما أحصيتها
بالترقيه / وأيضا الثقه / من قادة الشعب الوقور = القمّه (إ)لها بيت و آل سعود جوا في بيتها
حكّامنا وسط القلوب / من المهاد إلى القبور = الله يبقي حيّها / والله يرحم ميتها
عيال من وحّد وطنّا بالعدل وألغى الشرور = العين تشهد فعلهم من وين ما لدّيتها
إليا نخونا ثارت الخيل وبنادقنا تثور = نشرب فناجيل العدا اللي ليتها أقفت ليتها
وأنا عن اللي فعلهم تعجز توّصفه السطور = جبت الفريده / والقصيده / من غلا غنّيتها
عن ربعي عتيبه هل الوقفات من ماض العصور = هيلاً مهيله / لوّ أبمدحها عُمُر ما أوفيتها
نبعث تباريك الغلا / لك خصّ / بالصوت الجهور = وش فايدة مضمون تبريكاتنا لا أخفيتها ؟!!
هذا بعض ممّا نكنّه من غلا وسط الصدور = يا اللي تنومس مملكتك أرضيتنا وأرضيتها
وبه كلمةٍ يشهد بها غيري / وأنا ما أقول زور = وإن كانها زلّه تراني يا خلف زلّيتها
لا والله إلاّ يا خلف شاعر وطن وافي شبور = تشهد لك أبياتٍ على شان الوطن عدّيتها
شاعر وطن .. لا لم ولن .. ياتي مثيلك / للنشور = قصيدتك / كلٍ يفكّر كيف تبني بيتها
فالحرب شاعر / فالرخا شاعر / ولا فيهم قصور = شعارنا لو كان فالأبيات ما خصّيتها

[طالب الحور]

صح لسانك ياماجد أجبرتني أدخل المنتدى وأرد على القصيدة

عز الله أنها الأبيات الجزال بارك الله فيك

ويستاهل خلف ماقلت يابن هلال


تقبل مروري المتواضع

[سلطان الحافي]

ماجد

صح لسانك وعلا شانك

جزله يالجزل

تقبل مروري

وسجل اعجابي

مودتي,,,,

[حـلم]

صح لسانك ياماجد على هذه القصيدة الجزلة

كنت أتوقع أن يكون هناك قصائد .. وخصوصاً من عتيبة بعد أن قال خلف متواضعاً ( أنا ماني شاعر وطن)؛ قصيدة جزلة تمنيت لو تطرقت فيها لبعض ما يجري على الساحة.

تحياتي.. لك

[ناصر بن سعود]

صح لسانك يالذيب

قصيدة في غاية الروعة

الله يعطيك العافية

يستاهل شاعر الوطن الفريق خلف بن هذال

تقبل اعجابي

[ناصر الحافي]

لا والله إلاّ يـا خلـف شاعـر وطـن وافـي شبـور=تشهد لـك أبيـاتٍ علـى شـان الوطـن عدّيتهـا

صح لسانك مدد بلا عدد ياماجد وبيض الله وجهك

ويستاهل شاعر الوطن خلف بن هذال مايكتب عنه من مدح أطال الله في عمره


واشكرك جزيل الشكر على هذا التعبير عن صادق مشاعرك


دمت ودام شعرك,,

[المايسترو]

صح لسانك يابن مشيب على هالقصيدة الجزله

لاهنت وبيّض الله وجهك

[سعود الحـافي]

وبه كلمةٍ يشهد بها غيـري / وأنـا مـا أقـول زور
وإن كانهـا زلّـه ترانـي يــا خـلـف زلّيتـهـا
لا والله إلاّ يـا خلـف شاعـر وطـن وافـي شبـور
تشهد لـك أبيـاتٍ علـى شـان الوطـن عدّيتهـا
شاعر وطن .. لا لم ولن .. ياتـي مثيلـك / للنشـور
قصيدتـك / كـلٍ يفكّـر كيـف تبـنـي بيتـهـا

صح لسانك وحرفك ياماجد قصيدة في منتهى الروعة

وبيض الله وجه القاصد والمقصود وأبوهذال يستاهل كل خير

[المقعار]

صح لسانك وشكرا لك
وتقبل مروري

[الروقي]

صح لسانك ومشكورر