ماجد ولد ضيف الله ابن الضان

[ناصر الحافي]

السلام عليكم ورحمة الله وبركاته

ماجد ولد ضيف الله ابن الضان

لو القصايد شكراً وعرفان = لأجل الغفيلي شابت القيفان
ولو المراجل كفتاً موزونه = ترجح لماجد كفة الميزان
له حق يكتب فيه مدحاً وافي = لانه سمي الجود وبليهان
أبوه قبله مايسكر بابه = مكرم ضيوفه مرهب العدوان
عقبه ورث طيبه وتابع نهجه = نزُه جنابه عن هل النقصان
أصل المراجل ماتجي بالشحذه= جده رشاش معقل الفرسان
كم واحداً يذكر مواقف ماجد = مواقفه تشهد لها العربان
حافي ومن روقه عريب المجنا=فعله فخر وينومس العتبان
راعي شداد ويستحق شداده = تشهد مطير وخصاً الدوشان
والفرم وابن قويد مايخفاهم = وقبيلة المره مع السبعان
تشهد قبايل نجد واللي معها=وايل وشمر واومراء قحطان
مدهاله امثال العرب تضرب به=مايذبح الا حايل وقعدان
تلقا الشبب والعود والبريه= واهل القنا عنده مع الجلسان
شغموم كاسب كل دعوة صادق = ان اشهد انه عدل الميلان
من طيب راسه وافياً بافعاله=شخصيته هيبه وطلق لسان
يشوش راسه لانخاه الناخي=يقضي لزومه مايهاب انسان
لمصافحه يسعد حزين الخاطر= يفرح به المضيوم والزعلان
متميزاً بين العرب بعلومه=مايجلس الا مجلس الشيخان
متعلم ودكتور فوق الرتبه=ضابط محنك سيرته عنوان
من صغر سنه فاهماً للدنيا=حراً تعلا شمخ الشجعان
لاغاب عن ديره فقدته ديره= كلاً نشد وين انت ياكحيلان
وليا نشدني جاهلاً جاوبته=ماجد ولد ضيف الله ابن الضان
وختامها صلوا على افضل خلقه= على نبي الله نسل عدنان

ناصر بن محمد الحافي

[بدر الحافي]

الله الله والله ان القلب يتوق والعقل يشوش يا ناصر
يستاهل الضان
وانت وفيت ولا هفيت
صح لسانك ملايين

[ناصر الحافي]

صح بدنك يابن العم وبيض الله وجهك

[نايف مطلق بن مصيبيح]

يستاهل ماجد

وصح السانك يابو محمد

على هالقصيده

وهذا البيت خاص لك

نجماً لمع كبد السماء ينظرله = يدلبه لاشاع نوره تايه

[حـلم]

يستاهل ماجد الضان

وصح لسانك .. يا ناصر

قصيدة جزلة، ووافيه، في ِ شخص وفـيّ..

مودتي ..

[المايسترو]

صح لسانك يالقرم ، وبيض الله وجهك
وماجد يستاهل العلم الغانم

[سعود الحـافي]

صح لسانك ياناصر قصيدة رائعة


ويستاهل أبو ضيف الله والله أنه كاسبها بالفعل والعلم الغانم


الله يكثر من أمثاله واللي مثله عز للقبيلة

[حافي حائل]

يستاهل الممدوح

وصح لسانك ياناصر

[ناصر الحافي]

المشاركة الأصلية كتبت بواسطة ابوراكان

يستاهل ماجد

وصح السانك يابو محمد

على هالقصيده

وهذا البيت خاص لك

نجماً لمع كبد السماء ينظرله = يدلبه لاشاع نوره تايه

صح بدنك يابو راكان واشكرك بيض الله وجهك على الاهداء

[ابن وافي]

يستاهل

المقدم/ ماجد الضان

وأنا سمعت في ماجد الضان ووقفاته مع عيال عمه وتمني من الجميع أن يحذو حذوه

صح لســــــــــانك يا شاعرنا الأكثر من رائع

تقبل مروررري