ابيات عابرة

[بدر الحافي]

	هذه الابيات رد على الا صدقاء عندما ارسل لي رسالة جوال عبارة عن ابيات يشتكي فيها من ظروف معينة البارحة من واهج, فالقلب لاسجيت هاج =اخلف توازن نفس ابن حافي وكدر ذوقها مانمت لين الشوف ساق ونور شمس الصبح باج=اصارع همومي واعنزها على موثوقها تجمعت مثل اجتماع البدو في شهر الخراج=كلن يبا الاول وربي عالمن بوفوقها وان كان ابن مازن عليه الهم باقصى القلب لاج=من قو مابه كبده الخضرا تزيد احروقها ياويل حالي عنه ماذعذع هوا الغربي وفاج=وياويل حالي عنه عد ارعودها وابروقها اثره طواه الهم واظناه الوله والحظ ماج=ماله جدا غير القوافي بدعها واطروقها من هيض ولا غيظ ولا قلة, بالانفراج=نوبن تقاود للرسن ومرار سهلن سوقها اواه لوانه لقا للمشكلة حلن زراج=ان كان جاني بالكواكب والنجوم يحوقها انا اشهد انه صاحبي طلق الملامح والحجاج=والصحبة الي بيننا واعهودنا ما ابوقها وليا بغا مني خبر بالي على مثله هجاج=اعطيه ما خفت له الايام في صندوقها يا عادل احذرجمرةن من فوقها شعلة سراج=تشوي شراشيف القلوب وقاطعة معلوقها واحذر من البيت المطرف وانتبه لام الخداج=لو بان لك شط الحوار وبينت منتوقها واحذر من العود الخضر تراه يالصاحب سماج=لو يعجبك قطف الورود وجاز لك زملوقها واحذر من الراي العمس واصحا تمركالك حداج=وليا بدالك حاجةن فالروح بد حقوقها واليا نويت انهج ولا تثني وعجل بالنهاج=والجزم راس العزم والدنيا وساع شنوقها والناس لاتتعبك ويصيبك من الناس انحراج=الناس لولا المحكمة تماسكت بحلوقها هذي نصيحة وانت رجل ولك من افكارك خراج=لكن قلي لاوصلت ونزلت لي طوقها

[ناصر الحافي]

صح لسانك وبيض الله وجهك يا ابن العم


ننتظر جديدك

[بدر الحافي]

الله يحفظك
وجهك ابيض ويشرف اطلاعك ياغالي

[ابن وافي]

الحافي011

قصيده جزله يالغالي

وصح لســــــــــــــــــــانك



تحياتي ،،،،

[سلطان الحافي]

بدر الحافي

صح لسانك ملايين

قصيده جزله من راسٍ جزل

تقبل مروري واعجابي

مودتي,,,

[بدر الحافي]

شكرا على الاطلا يابن وافي ويا سلطان

[مهموم222]

السلام عليكم ورحمة الله ويركاتة
اخي بدر شكرا على هذه القصيدة الجزلة وتقبل مني هذا المرور السريع وانا بنتظار جديدك ............

[Google]

بدر الحافي

جزل من اعماق قلبي اقولها

بيض الله وجهك وصح السانك

البدر دائماً يضي لنا بنوره فلا تحرمنا مثل هذه الابداع الجميل

[بدر الحافي]

الاخ مهموم الله يرعاك وابشر بالجديد انشا الله خلال الايام القادمة
االاخ قوقل الله يرعاك واتشرف باطلاع الي مثلك ياحبيب

[خالد الحافي]

السلام عليكم ورحمة الله وبركاته


بدر الحافي

صح لسانك مدد بلا عدد

اشهد بالله انك شاعر وجزل وبيض الله وجهك

ابدعت يابدر واتمنى ماتحرمنا من مثل هذي واحسن

الاهنت ياذيبان والله يوفقك

اخوك /