سعود الحافي وشعل بن قشعان

[ناصر الحافي]

بسم الله الرحمن الرحيم







الشعل مركزها من العام مضمون



قصيدة للشاعر / سعود بن سالم بن معزي الحافي

في أبل محمد بن مشعان القشعان الحنتوشي

هب البراد وشعة الشمس فالكون = والصبح قام يغازل الارض نوره
وتم الضباب وشتته غاز الأوزون= وتكونت في عين الإنسان صوره
من عقب نواً قدم البرق عربون= لين أصبحت كل الفياض مخطوره
رغو المطر كنه فقاقيع صابون = وضرب البرد سبب للاشجار عوره
أرضاً وطوها الناس صاحي ومجنون= في خبةً بين العروق محفوره
شفنا الطروش وعرضها فالتلفزون = وشفنا الأمير اللي طوالً شبوره
يدعي هل الذيدان لأكبر مراثون = ويمشي برجله فالوعر والخطوره
وبالله يا أهل الشعل وأبليس ملعون= لأحداً يطق بتالي الوقت زوره
الشعل مركزها من العام مضمون = لو ثار بركان أحمر العين ثوره
الشعل مع شيخاً مكافح ودندون = حاز المراجل من نعومة ظفوره
محمد القشعان بالطيب مقرون= رجال اخذ في ساحة الطيب دوره
من لابةً تروي شبا كل مسنون = لاقفا خطام شعيل ثم طاح كوره
مخيمه كنه هوتيل الشيراتون= تغلي مباهيره وتطبخ قدوره
حول بشعلً مايشابه لها لون = تقول من زيوت الطعام معصوره
وبالله ياأهل الشعل وبليس ملعون = لأحداً يطق بتالي الوقت زوره
الشعل مركزها من العام مضمون = والضامن الله والفعول مخبوره

للشاعر / سعود بن سالم الحافي

...

[فواز الحافي]

يعطيك العافيه اخوي ناصر والشيخ محمد بن قشعان يستاهل كل خير اكرر شكري لك والله لايحرمنا جديدك



تقبل خالص تحياتي,,,,,,,,

[ناصر الحافي]

فواز الحافي شاكر لك هذا المرور الكريم


ودمت بود,,

[عبد المجيد سعد]

صح لسان الشاعر سعود سالم

وسعود سالم شاعر مايحتاج يابو محمد


ويعطيك العافيه على هالنقل الموفق



لك تحيات اخوك المغيري

[Google]

بيض الله وجهك اخوي ناصر

وصح السان ابو سالم

اشهد انك يابوسالم شاعراً وميز = ميزته يصخر عنيد القاف لين يجيبه

[ناصر الحافي]

اشكر الجميع على مرورهم وبيض الله وجيهكم على اطرائاتكم


دمتم بود,,

[بن كليفيخ الوافي]

صح لسان الشاعر سعود

وبيض الله وجهك علي القصيده


تقبل مروري

[عامرالحافي]

صح لسان الشاعر سعود
والله يعطيك العافيه

[الذيب]

«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•°®»

[مرزوق الحافي]

صح لسان الشاعر سعود سالم

وسعود سالم شاعر مايحتاج يابو محمد


ويعطيك العافيه على هالنقل الموفق