سعود سالم الحافي والشاص

[ناصر الحافي]

بسم الله الرحمن الرحيم

حصرياً على شبكة الحفاه




قصيدة للشاعر / سعود بن سالم بن معزي الحافي

في وصف (الجيب الشاص)

راكب اللي لاعطا خطاً مثل خط الهفوف= مابكا البلف القزوز ولاأشتكى ماطوره
جيب شاصي صمموه اهل الموسيقى والدفوف=اليهود اهل المعاصي كاشفين العوره
مايطاف مع الخطوط ولا انحنى انبيره يطوف=اشهباً لازداد حمله قام ينهض زوره
ياكل عيون القطط والخط الاصفر والكتوف=والطعوس من التواير والدبل مذعوره
مايهاب استغفر الله من مهابيط الخسوف = وانتله من فوق بديه كنه النافوره
والغمارة كنها السنام والا الفرش صوف = والدبل في جلد كنه معطف الدكتوره
شامراً مثل البعير ليا هدر عند العطوف = والشنب شنب صعيدي يشرب البربوره
والشناكر تحت خشمه كنها قرون الخروف= والسست من تحت بديه ماسكه حنجوره
والزوايا مثل حد السيف والخشم معطوف=والركون مشايزات بزاويه محصوره
لاتهزع عاد عصر الذهبي للفيلسوف=يوسف النجم الهلالي لا انحرف بالكوره
اشتغاله لا اشتغل صنصيل همهمة الهنوف = لا لبسة حمر البلوزة ولبست تنوره
وان عطا جرد السهال البيض وكبار الجروف=كن تلهث مع قزوزة كلبةً مسعورة
نوره الاصفر تقول الشمس في يوم الكسوف = ونورة الغازي لو انه تكتبه فاتوره
كان كهربة الجزيره صفقت له بالكفوف = والقمر كثر تحيات السلام بنوره
كن خطه فوق جنبه دم ريمي الخشوف= جارحه ذيباً يشيل الموت راس ضفوره
وكن تصفيره صفير الوبره بوقت الهروف=لا لمحت نصراً يمد من الطمع دنقوره
المكينه بينها حلفاً قوي هي والبلوف = والبلوف يهدد اكوام الحديد بثوره
والابنص من التحدي بين امان وبين خوف= وكورة القير الصغيره كنها البندوره
والمراوح دايرة تسعى على الشبك وتطوف=والاديتر ماه ياخذ وصف قربه دوره

للشاعر / سعود بن سالم الحافي

...

[فواز الحافي]

وان عطا جرد السهال البيض وكبار الجروف
كـن تلهـث مـع قـزوزة كلبـةً مسعـورة

عزالله انه وصف ماقصرت اخوي ناصرر وبيض الله وجهك ولايحرمنا من جديدك


تقبل خالص تحياتي,,,,,,,,,,,,

[ناصر الحافي]

فواز الحافي اشكرك على مرورك الكريم

[سلطان الحافي]

صح لسان الشاعر القدير :سعود سالم الحافي

وبيض الله وجهك ياناصر

مودتي,,,

[بن كليفيخ الوافي]

والمراوح دايرة تسعى على الشبك وتطـوف
والاديتـر مـاه ياخـذ وصـف قربـه دوره


صح لساااااااان شاعرنا

ومشكور اخوي ناصر علي القصيده

[تئبطى خيرآ]

يستهبل ذا ولا يشعر الحمد لله بس

[ابن حافي]

سعود بن سالم الحافي ..

شاعر استطاع ان يضع لإسمه بصمة في سجل الشعراء الكبار ..

صح لسانه مدد بلا عدد ..


ناصر الحافي ..

لك من الشكر أجزله .. ومن الودّ أصدقه .


دمت بودّ

[الروقي]

صح لسانك ومشكوررررررر

[ღღولد عتبه عز وهيبهღღ]

مشكووور علئ النقل الرائعـ

و

صح لسان سعود الحافي

[تئبطى خيرآ]

والله من السماجه قال شاعر قال ولد عمنا على العين والراس بس شخص تافه مسترزق بأسم الحافي