احرقت الاوراق

[عبد المجيد سعد]

ماني مصدق احرقت الاوراق

واللي بقى من كتابي عذابي .. كنت شاعر فرح مير قلبي انجرح

زمان اول تحول ..

اشيل فوق حمولي حمول هذا وانا واقف على ساق

ماني مصدق احرقت الاوراق

صرت انا شاعر حزين ... دايم يقول ولا يبين
خلف المعاني مختبي ... يجرب اوضاع السجين

احلى لياليه السهر ... واكله من احلامه قهر
حوله من العالم كثير ... ولا لقى فيهم ضهر

ياباقي ايامه على طاري امل ....يكفي عليه حمول يكفي ماحمل
صحيح هو يقدر على شيل الحمول .... مير ان عسرتي فيه بيطيح الجمل

وان طاح ياويله اذا طاح ودرت

عنه الضباع اللي على ريحه سرت

مامن مجير ليا السكاكين اكثرت


ياكم حسود بيضحك ويضحك بعد وانا على حد الارهاق

ماني مصدق احرقت الاوراق


انا اللي كان الليل يحويني حوي

وانا الذي لو صحت هو جاك يعوي

وانا الوفا ياصاحبي كانك دريت

اللي لقاء عكس الوفا غدر الخوي


ابكي على جال الامل كلي جروح .... مابغى من الدنيا سوى قلبٍ سموح
ابغى السعاده تروي عروق البشر ..... وابغى رفيقٍ وافي الطبع ونصوح

ابغى الرجال رجال مافيهم كلام ....عدونا واحد واذا سرنا امام
ماننهزم مهما يصارعنا العدو .... بسهومنا لو كان مايبغى سلام

في عفة النفس الكرامه كامله

وراع الوفا احرص عليه وعامله

خلك كريم تزين في عيون الملا

ورجلك على شان المواقف صامله

اقولها والنفس تنعاني واقول .. شاعر من احلام الزمن فاق

ماني مصدق احرقت الاوراق!!!

اليوم اشوف المال صار احلى قصيد... وصار الرجل ينقاس بالمال ويزيد
حتى لونه مايسرومايضر ....تلقاه شيخ ويامر الناس ويكيد

واللي عليه القول راع الاوله .... تحول ودنياه فيه محوله
علشان قل المال قلت هيبته ....وصار بمقام العالم المتسوله

واللي يخلي صاحب الحكمه خبل ؟؟

ان الخبل ياصل مقامات الشيوخ

لانه يفوز بمزايين الابل ؟؟

خلاص ياشعري كفى ماقلت ... ادريبك الاول هنا ولا زلت
مليت ادراجي ولالك صيت.... يمكن لانك للحقايق شلت

ابحرق اوراقي لجل ماضيع

واسوم في نفسي ردى وابيع

وماني موافقهم على التطبيع


وماني مصدق احرقت الاوراق !!!!



اخوكم ( عبد المجيد سعد الممخور )

[ناصر الحافي]

صح لسانك يابو سعد وبيض الله وجهك

مبدع دائماً

اشكرك ,,,

[نايف مطلق بن مصيبيح]

صح السانك ابو سعد

مبدع

تقبل مروري

[حافي حائل]

صح لسانك ابو سعد

[الجرح الثقيل]

صح لسانك
فالك التوفيق..........

ننتظر مشاركاتك....

[نايف بن مزيد]

صح لسانك......
......يالشاعر.......

[ابن وافي]

عبدالمجيد


صح لسانك زننتظر جديدك يالغالي







تحياتي

[بن كليفيخ الوافي]

صح لسااانك

ياشاعرنا
عبدالمجيد

تقبل مرووووري

بن كليفيخ الوافي الحافي

[عبد المجيد سعد]

صحت ابدانكم واشكركم على ردودكم

ويسعدني اطلاعكم الكريم


اخوكم / عبد المجيد

[مرزوق الحافي]

صح السانك ابو سعد

مبدع

تقبل مروري