عفوك يا إلاهي

[حامد الروقي]

بسم الله الرحمن الرحيم


ارجو منكم اخواني الكرام المعذره على الأنقطاع .

كما يسرني ان اضيف للديوان هذه القصيده عسى ان تنال استحسان القراء الكرام .

ماهوب راجع مامضى من سنينها=دنيا قطفنا شينهـا مـع حسينهـا
مثل الفتاه اللـي تسـرك بحسنهـا=والناس كلٍ طامعـا فـي يدينهـا
كل تمناها ويطمع بقربها = ويسرهم عن نظره حنونه بعينها
تطوي معايشها كما تطوي الخصفّْ=ويموت في عمياه مخّطي يقينهـا
غير الذي هاديـه ربـه لطاعتـه=أنا اشهد انه عارف وش دفينهـا
يحسب حساب المقبله من ليالهـا=ماهوب طايعها ولاهـو رهينهـا
هذا هـو الواقـع ولازم نعايشـه=ماسـرّت اللـي قبلنـا خابرينهـا
يالله عفوك يا إلهـي ليـا أقبلـت=منيتـي والنفـس جاهـا مدينهـا
يالله عفوك هو مـرادي ومطلبـي=وشفاعة محمد ليا حـان حينهـا
نهار ماينفع سوى صالح العمـل=ومن قدم السيه لنفسـه يهينهـا
ومادمت حي انك تهيـي مطالبـي=ماغيرك ارجي نفسي انك تعينهـا
واللي سواتي غايته طاعة الولـي=مهوب في حاجة رجاوي سنينهـا

وسلامتكم .

[ابن وافي]

صح لسانك

وقصيده جزله من جزالة شاعرها


تحياتي

[نايف مطلق بن مصيبيح]

حامد الروقي

مرحبا بك

ولك العذر

بعد هذه القصيده الجميله جداً ورائعه

وفقك الله اخوي حامد

تقبل تحيات ابوراكان

[نايف بن مزيد]

صح لسانك
ولا تحرمنا جديدك
تقبل.......تعقيبي

[شلوة الكفار]

صح السانك

حامد

قصيده جزله

[سلطان الحافي]

حامد

صح لسانك

وعلاشانك

جزله من راسٍ جزل

دمت بود

[سعود الحـافي]

يالله عفوك هو مـرادي ومطلبـي
وشفاعة محمد ليا حـان حينهـا
نهار ماينفع سوى صالح العمـل
ومن قدم السيه لنفسـه يهينهـا
ومادمت حي انك تهيـي مطالبـي
ماغيرك ارجي نفسي انك تعينهـا

صح نبضك وأنا أقول معك اللهم آمين والله يحقق مافي نفسك

وفي أنفسنا جميعا

[حامد الروقي]

صحة ابدانكم وتقبلوا شكري الجزيل



تحياتي

[بن كليفيخ الوافي]

ماهوب راجع مامضى من سنينها
دنيا قطفنا شينهـا مـع حسينهـا

صح لسانك وبيض الله وجهك


تقبل مروري
بن كليفيخ

[مرزوق الحافي]

الشاعر حامد الروقي


صح لسانك





دمت بود