-=( كثــر ما هقوت الطيـّب )=-

[خالد الحافي]

كثـر مـا هقـوة الطيّـب بغيـر الطيّـب تخـونـه=كثر ماترضي البسمـه علـى وجـه الطفـل زعـلان
كثـر مـا سيقّـت الخطـوة بعـدّل وغيـر موزونـه=كثـر مـالاح بـراق وكـثـر مـاتـردم الامــزان
كثـر مـوت الضميـر وكثـر عايـش بيننـا دونـه=كثر شكوى الضلوع العـوج مـن تنهيـدة الحرمـان
كثـر مـا أجّـل التسويـف فعـل الخيـر بـردونـه=كثـر مـا هامـت الأنفـس لرحلـه مالهـا عنـوان
كثـر سيـف العدالـه والضـلال ومـن يضلّـونـه=كثـر عـدل الكريـم الواحـد وسبحـانـه المـنـان
كثر مـا ترمـي الأمـواج وكثـر الشـوق وطعونـه=كثر .. ما للحيـا عسـاس وتتبـع سيـره البـدوان
كثر ما فاح عطر الليـل ... ونبـرة صـوت مدفونـه=كثر ما شيّعة .. كلمة .. تعـال أفـلان يـا غلطـان
سلام الله .. على بيـت القصيـد .. ومـن يشيدونـه=سلام الله على .. نـزف الشعـور ومعجـم القيفـان
حضرت وما معـي غيـر السنيـن العـوج مكنونـه=حضرت .. وكفي البيضا .. عليهـا بصمـة النكـران
تمادو بي .. وانا موفـي .. بحـق الصـدق يوفونـه=تمادو بي .وانا للضّـن .. وأثمـه ماشـي وحيـران
تمادو بي .. على الميهاف .. وكزّوني علـى هونـه=تمادو بي طريـق أجحـاف .. لا فكـره ولا برهـان
خذيت .. ورغم عن عيني صـراع البهـت وجنونـه=وسقت لمنبر المضلوم .... صدوف الـزور والبهتـان
شقيت .. وشمت .. عن واقع ودنيـا حيـل مجنونـه=مشيت دروبي الجردا وجوعي يسبقـه ..(عطشـان )
وجيـت وبعلـن الحاضـر وبخـزي مـن يضدونـه=وبسري ضلمة . الماضي بوقّف .. وقفة .. العميـان
سوالف وانتها ماضـي وحاضـر .. سالـب أكفونـه=ولا لـه فـي ضمايـر حـي عايـش بيننـا عميـان
شربـت اطهـر بيـاض المـاء زلال وهـم يكبونـه=يعدّه ساكـب الأكـواس .. راعـي شربـة السلـوان
وخنته .. من صميم الجـوف كثـر اللـي يخونونـه=كثر .. ماترضي البسمة على .. وجه الطفل ... زعلان

[بدر الحافي]

صح لسانك يا خالد
الله يرعاك

[نايف بن مزيد]

صح لسانك..

[ابن وافي]

خالد


صح لسانك يالغالي




تحياتي،،،،،،،،،،،

[حافي نجد]

صح لساانك ياخالد


قصيده جميله

تقبل مروري

[[.. البدر ..]]

جزل ياخالد

وان شاء الله نشوف القادم الاجمل


ننتظر بشغف

[خالد الحافي]

المشاركة الأصلية كتبت بواسطة بدر الحافي

صح لسانك يا خالد
الله يرعاك

بدر صح بدنك طال عمرك ولاهنت ياذيبان

والله يحفطك ويرعاك


اخوك /

[خالد الحافي]

المشاركة الأصلية كتبت بواسطة القناص

صح لسانك..

القناص

هلابك وغلى طال عمرك

وصح بدنك مليار

اخوك /

[خالد الحافي]

المشاركة الأصلية كتبت بواسطة ابن وافي

خالد


صح لسانك يالغالي




تحياتي،،،،،،،،،،،

ابن وافي

يامرحبا مليون

لاخلى ولاعدم طال عمرك وصح بدنك

لاهنت ياذيبان

اخو ك /

[خالد الحافي]

المشاركة الأصلية كتبت بواسطة فيصل الحافي

صح لساانك ياخالد


قصيده جميله

تقبل مروري

فيصل


ياهلا وغلا وصح بدنك طال عمرك

لاخلى ولا عدم ياذيب

اجمل تحايا اخوك /