شبت النار في حياة الباديه

[نايف مطلق بن مصيبيح]

لشبّة النار عند العرب معان سامية ونبيلة فهم يوقدونها ليلا للتدفئة والطبخ وعمل القهوة ولإهتداء ابن السبيل وجلب الضيفان
وعندما يُهجى أحدهم يقال له ( يا طافي الضو , ميــــت النار ) او الله يطفي ضوّك (الله يذبح نارك) أو ناره رماد

فيقال فيه مثلاً

بعض العرب ,, في شبة النار يحتار = يجي الشتا ويروح ما شـب نـاره

والكرم عند العرب من القيم التي يحرصون عليها ورمز الكرم عندهم بالدرجة الاولى شبة النار والقهوة ومسامر الضيف

يازين والله بالخلا شبـت النـار=والضو لا قزٍ ولا هـي بدافـور
الا الحطب لاحط من فوقها أسطار=والا جروم الرمث يابس ومجرور
في ربعتن تهيا لمجلس ومسيـار=فيها السوالف والفناجيـل بالـدور
لا قمت منها ناصين ربعت الجار=القى ربوعن ما تخالف على الشور
وليا مشينا بادهم الروض وأزهار=كنك تقول انه من الزرع مبـذور
في جانبه دجنا وجينـا بالاخبـار=وقلنالهم عشبٍ ولا هوب ماثـور
من عقب وبله ما بعد جـاه ديـار=إلا أم سالم صوتها فيـه مشهـور
وشدًو له اللي ما يهابون الأخطار=وتقاطرو ببيوتهـم كنهـا القـور
ما حب أنا دارٍ والادنين فـي دار=أبغي الجماعة كلهم دايـم حظـور
إن التفت إيمين والا علـى يسـار=أشوفهم والقلب بالربـع مسـرور

تعتبر شبة النار منذ القدم رمزاً للكرم والسخاء عند العرب
كما أن النار وإيقادها في حد ذاتها إشارة للترحاب بالضيوف والزوار
ويتجسد ذلك عندما كان يسير المسافرون ليلاً فيرون ناراً تتوقد فيتجهون لها
ولفظة شبة النار استخلص منها كلمة الشبة ويعني ذلك إقامة التجمع والقهوة
فيقول الشخص ( الشبه عندنا )) اي القهوه والمسامر عندنا



إذاً آصبحت شبة النار دلالة على الدعوة إلى الحضور وبالتالي الإجتماع على القهوة
حيث يروْنها فاكهة السمر الصحراوي فالنار أثناء إيقادها تعطي نوعاً من الحركة للمكان
وتكمل الدراما الصحراوية والتي تدخل فيها المؤثرات الأخرى
مثل صوت عويل النجر وسوالف النشاما
فيتسع الخاطر عندما يجتمع عليها السمار وتبتهج برؤية سناها في صورة رائعة
ترى من خلالها ملامح ومزايا البيئة الصحراوية
ببساطتها وتواضعها البشري
تردد على لسان آبنـاء الباديه النار فاكهة المجالس
فقد آلهبت قرائح الشعراء فعلى النار يجتمعون لتناول القهوة وتبادل الآحاديث
والآخبار أو المساجلات الشعرية ,,
ولا يكـاد يخلو ديوان أي شاعر من مثل هذه الآبيـات
وهنا بعض ماقيل حول شبة النار

لا ضاق صدري قلت شبوا لي النار = سويت كيف مـا يسـوى مثيلـه
حمسـت بريـه وناديـت ببهـار = ماها قـراح جايبـه مـن ثميلـه

ياما حلا عقب العصر ,, شبة النار = في مجلسٍ كـل النشامـا يجونـه
يلفونه اكبارٍ ,, ويلفونه إصغـار = من طيب من هو فيه ويقدرونـه
في بيت ماحطوا له آبواب وآسوار = ذراه من صوف الغنـم ينسجونـه
هذي طراة الروح لا صرت محتار = آخيِر من بيـتٍ هَلِـه يزلجونـه

لا ضاق بالي ,, والهواجيس وردن = النـار شبّتهـا بدايـة عـلاجـي
والبن بالمحمـاس والنـار تلسـن = نـارٍ تزايـد جمرهـا بوتهاجـي

ياريف قلبي للمسايير قـم شـب = وحط المناره في طويل الظلالـي
عقب تشق الها لجزل الحطب جب = وهات النجر واحضر جداد الدلالي

ألا يـا زيـن شبـت النـار وادلال = ادلال صفر ابهارهـا طيّـب الهيـل
في جال غرمولٍ حمر ,, يشرح البال = جوّه براد ومرتـوي خـدّه السيـل
الله يجيب العشب والخيـر منهـال = على بـلادٍ توفـي الحـق والكيـل

وإذا آقبل الشتاء يحرص الكثير من آبناء الباديه
على إقتناء الآنواع الجيدة من الحطب والتي منها
السمر والطلح والقرض وهي الأكثر جمراً والأقل دخـاناً
وهناك أنواع أخرى من الحطب قليله الوجود ونادرة مثل :
العجرم
ويوجد منه القليل في الشمال وتحديداً في مركز العجرم قريباً من سكاكا
ولكنه لا يكاد يذكر في السوق
وكذالك الشوحط وهو مثل سابقه والعوسج أيضاً والغضى والارطاء وغيرها............

وفق الله الجميع لما يحبه ويرضاه

[حافي نجد]

ابوراكان

الله يعطيك العافيه

الشاعر .. سيف بن وسمي الحافي

له قصيده منها يقول

النار شبتها شكاله ونوماس ... كيف لعكفان الشوارب وناسه

ماهيب نار مشبك الفيش فالساس ... دفايتن بين الحليله وراسه

موضوع مميز..
وبيت لاتوقد به النار اهله جياع

تقبل مروري

[ناصر بن سعود]

الله يكفينا شرها ويجعلنا من اهل الجنة

ذكرتني بسالفة اللي يقول

جعل امي وابوي فيتس (فيك) يقصد النار

لكن يالبيه يالنار ياشبتها والمجلاس على طرفها

يعطيك العافية يالغالي

شكرا لك

[نايف مطلق بن مصيبيح]

المشاركة الأصلية كتبت بواسطة فيصل الحافي

ابوراكان

الله يعطيك العافيه

الشاعر .. سيف بن وسمي الحافي

له قصيده منها يقول

النار شبتها شكاله ونوماس ... كيف لعكفان الشوارب وناسه

ماهيب نار مشبك الفيش فالساس ... دفايتن بين الحليله وراسهموضوع مميز..
وبيت لاتوقد به النار اهله جياع

تقبل مروري

فيصل شرفتنا بمرورك

ومشاركتك

[نايف مطلق بن مصيبيح]

المشاركة الأصلية كتبت بواسطة ذيب شعر

الله يكفينا شرها ويجعلنا من اهل الجنة

ذكرتني بسالفة اللي يقول

جعل امي وابوي فيتس (فيك) يقصد النار

لكن يالبيه يالنار ياشبتها والمجلاس على طرفها

يعطيك العافية يالغالي

شكرا لك

الله يعافيك ياذيب شعر

على المرور والمشاركه

[[.. البدر ..]]

طرح وافي وكاافي


وفيت وكيفت


تقديري

[نايف مطلق بن مصيبيح]

المرتكي لثقيلات

شرفت الموضوع بمرورك العطر

[>الوافي<]

ابوراكان

الله يعطيك العافيه

موضوع مميز.....

وبيت لاتوقد به النار اهله جياع

تقبل مروري

[نايف مطلق بن مصيبيح]

الوافي

الله يعافيك

انت الى ميزة الموضوع بمرورك

[نايف بن مزيد]

ماشاء الله على الابداع.............
موضوع في غاية الروعة..........
اشكرك على اهتمامك الواضح............
.............القناص....................