البحر ولا المحيط ( نار )

[سلطان الحافي]

السلام عليكم ورحمة الله وبركاته

مساء الخيرات

الطارف يقرب

جيت للصراف والعمله ذهب = وطلب الشعار وأعم الطلب
من بغى يلعب قبس قدمه لهب = ما على الدنيا ضميرٍ مستريح

مشرف القسم لامنه حضر = الفتيله تميع وتقبسي
كان فالمنتدى شاعر بحر = والله اني سواة الاطلسي

[نايف مطلق بن مصيبيح]

سلطان مرحبا

أبي الرد عليك و آنا أعرف أن فيه بالمنتدى شعار جزلين

أستلــــــــــــــــم


مرحبا سلطان والدنيا تــــــدور

وذهب مامتع أصحاب القــــبور

والحياة تعلمك طورٍ وطـــــور

وما على الدنيا ضميرٍ مستريح

مشرف القسم مأمنه خطر = يعرف العلم ما ضنه نسي
رجل يفهم مع العالم حذر = طب بالبحر ونته محتسي

[سلطان الحافي]

ارحب

يابو راكان

الساعة المباركه اللي اجعتنا معك

والوعد على ماقلة هههههههههه

دام ابو راكان والدنيا جهاد = كنها سلعه ليا جات المزاد
مار فرق فالبياض وفالسواد = ما على الدنيا ضميرن مستريح

يابو راكان لو تاقف شهر = ابتيبس عصبك وتجلسي
يالله ارزق عبادك بالمطر = من سنه والحناجر يبسي

[نايف مطلق بن مصيبيح]

سلطان

ياهلا ومسهلا

استلم

جاك ابوراكان ياسلـــطان جـاك

شاعراً يعطي تباشــير القـــاك

ودارة الايــــام ليــننـه لفـــــاك

ما على الدنيا ضميرن مستريح

دام سلطان أشوفه بنضر = بخفره لو بخشم مسدسي
لو لجاء يم حافظ أو مصر = جايبه جايبه لو يلتسي

[محطات سفر]

انا مالي مكان مع الشعار ,,,,,,,,,,,,,

الله يعافيكم.........................

مريت ومابغيت اطلع من غير ماارد,,,,,,,,,,

[سلطان الحافي]

ابو ركان

آسف على التاخير

كنت شابك بمنتدى ثاني

جيتني طاير على ضوء الحريق = وطحت فيها واحترق ريشٍ دقيق
موت ماحولك زفير ولا شهيق = ما على الدنيا ضميرٍ مستريح

استعد استرح حسب الامر = انت جندي وداقش فحرسي
عد اصابعك ماتكمل عشر = شفت سلطان قمت توسوسي

[سلطان الحافي]

محطات سفر


هلابك

الله يعافيك

مودتي,,,,

[نايف مطلق بن مصيبيح]

محطات سفر

شرفنا مرورك

[نايف مطلق بن مصيبيح]

سلطان دوك البيت


الأمـــــر لله والعـــبد أي هبــــي

مؤمـنٍ بالله واعـــــرف مذهبــي

ومــــن يشـب النار يحرقه ألهبي

و ما على الدنيا ضميرٍ مستريـح

لاتطب المهالك والعسر = يوم هب البراد ونسنسي
مايصيد الحبار غير حر = والردي ماجلس في مجلسي

[حافي نجد]

عساكم على القوه

سلطان

ابوراكان

مبدعين