ساحر الحب الخفي

[سلمان عزيز]

[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

لانويت أنساك صرت أذكرك وأنسى ما نويته=صار نسيانك صعب والسهل نسيان النوايا
عاشقً ما تعرفه كيف ابتلا بك وابتليته= يمكن انك ساحر الحب الخفي خلف المرايا
كان معجبك القصيد اشكرك وإعجابك قريته =وكان عاشق عشق ماله لا وصوف ولا حلايا
عد في رجم الهوى وإزهم هواك اللي هويته= وإنتبه لا تنكشف للي نواياهم دنايا
أكثر العشاق من لا يعرفه يسمع بصيته= قبل لا يحكون عنه اللي يحثون المطايا
يعلم الله ما انشغل فكري بشخص الا لقيته =هاجسي ينساق لي سوق النشاما للمطايا
وإن عشقت العشق وقفته على سيسان بيته= وإبتديت ابنيه من كيفي تحت عوج الحنايا
لين يمشيلي على طوعي وظنن به هقيته= ما يعرضني هل المنقود وسهوم المنايا
إن مشى حبي على كيفي ملكته وإحتويته=وإكتفيت ولا شعاني حب غضات الصبايا
وإن عصاني قلت حبن ما يطاوعني عصيته=يعتبر عندي عطا قومن يمنون العطايا
الغرام اللي بدون إثبات من قلبي محيته=أحرقه لا عاد يبقى له على الدنيا بقايا
يا مغفل لا تعاتبني على ذنبن جنيته =أنت هذا الذنب ذنبك والله اعلم بالخفايا
إن بغيت إتقر في ذنبك هذا وإلا نفيته=كل حبك ما بقى له جزء ذره في الخلايا
إعرف إن الماء إيدينك ما تحوقه لا كفيته=كان تدري.. ويش تعني جد.. من ضحك الثنايا

سلمان بن عزيز الحافي

[المايسترو]

صح لسانك ولاهنت
ننتظر المزيد من قصائدك المميزه

[بن كليفيخ الوافي]

صح لسانك يالشااعر سلمان الحافي

[ذعارالتوم]

الشاعر/ سلمان بن عزيز

صح لسانك لاهنت

[نايف بن مزيد]

ابو راااااكان .........
صح لسانك والى الامام........
تقبل مروري........

[سلطان الحافي]

سلمان عزبز

صح لسانك

ملاااايين

جزله من شاعر جزل

مودتي,,,,

[سعود الحـافي]

سلمان الحافي


صح لسانك وفكرك قصيدة رائعة


تحياتي

[نايف مطلق بن مصيبيح]

الشاعر سلمان عزيز

صح السانك

جزل ماتجيب الا الجزاله

تقبل تحياتي واحترامي

[Google]

للبداع تواجد بيننا

كما في كلمات الشاعر سلمان

صح السانك ملايين

وبيض الله وجهك ابوراكان على هالقصيده الرائعه

[ناصر بن سعود]

صح لسانه وسلم بنانه

شكرا لك

قصيدة رائعة