خيوط النهار

[سلمان عزيز]

خيوط النهار

مابين شحّ العواطف.. والبطا والغياب = حان اللقا.. لويذوب الشمع ماكبّها
وقف لك العَود فرحة طفل والراس شاب = في موقفٍ فزعة الرجَال .. يطلبْ بها
حيّا الله الصبر..لوبيني وبينك عتاب = احباب حتى صحاوتنا نغيّب بها
الجو بارد وراس طْويق يفتل ضباب = بعثر شراره وذاب الثلج في لبّها
الليل سرمد على وجه القمر ياسحاب = رقّص نجوم الظما في البرد والعب بها
أبرسم الحلم للعالم بوجه السراب = قبل آتخطرى اجنحة قمراك واقرب بها
اسمع سؤالٍ يبي له منْك كم من جواب = اجمع على شانه الأمثال .. واضرب بها
وين ارْحَلَت فرحة ايامي بعزّ الشباب = ياظامي الوجه مالك حق تلعب بها
تكفين حنّي لمن حبّك حنين الركاب = قبل انكسر في مرايا الليل واقلب بها
شفتك شعاعٍ به الليل انصهر لين ذاب = اثره يغازل طعون طْويق من حبّها
ينشر خِيوط النهار بْلون بيض الثياب = ايقظ طيور الشجن لين صْدَحَت نّبها
سمّي..وهمّي..ودمّي..صفحةٍ من كتاب = ضحكه..ودمعه..ونقطة دمّ تكتب بها
العمْر بين الأصابع بالعدد والحساب = أيام الافراح ..والاْحزان ..يحسب بها

سلمان عزيز الحافي

[المايسترو]

ياهلا وغلا يابو راكان .. هذي والله الساعة المباركة يوم تشاركنا

صح لسانك يالقرم ولا هنت

[سلطان الحافي]

العمر بين الاصابع بالعدد والحساب

صح لسانك

ياسلمان

ابداع

[سعود الحـافي]

الليل سرمد على وجه القمـر ياسحـاب *رقّص نجوم الظما في البرد والعب بها

صح لسانك ياسلمان في غاية الروعة هالقصيدة وخاصة هذا البيت

تعبير جميل يقرأ بنكهة أخرى

تحياتي

[نايف مطلق بن مصيبيح]

سلمان عزيز

صح السانك على هذه الدره الجميله

عند ماتقراء قصيده من قصائد سلمان عزيز فنها تتجدد ولا تملها

سلمان المبدع تقبل تحياتي

[بن كليفيخ الوافي]

صح لسانك وبيض الله وجهك

[شلوة الكفار]

نحن محضوضين بمثل هذا الشاعر

صح السانك وبيض الله وجهك

اخوي سلمان عزيز

قصيده في غاية الروعة والجمال

[نايف بن مزيد]

صح لسانك يابو راكان.............
مبدع بما تعنيه الكلمة...............
تقبل................مروري

[Google]

للبداع تواجد بيننا

كما في كلمات الشاعر سلمان

صح السانك ملايين

وبيض الله وجهك ابوراكان على هالقصيده الرائعه

[حافي نجد]

صح لسانك يالجزل

الله يعطيك العافيه