محاوره قديمه لخلف وصياف

[فيصل سعد الحافي]

اخواني اسعد الله وجوهكم بكل خير


احب اهديكم هذي المحاورة التي جرت بين قطبين من اقطاب

المحاورة والتي اسال الله ان تنال على اعجابكم

ابتدى صياف المحاورة وقال



نادوا الشيخ ابن هذال يشعب حصانه

================فيه علم جديد وفيه حاجه غريبه

قالو انه مع العربان مطلق لسانه

===============كل مامر وادي لصق في شعيبه

خلف:

جاك فوق الحصان الي طويل اعنانه

==============في مداهيل حرب مسرحه من عتيبه

والسنتنا لها فالحق فرض وضمانه

=============مانسوق الشباري فالعظام فالصليبه

صياف:

حرب لاجوك قلبك يختلف عن مكانه

============ثم قلت ارحموني ويش هذا المصيبه

انت مثل البعير الي تغير مكانه

============قام ياكل سنامه من رداوة نصيبه

خلف:

حرب عندي دواهم خانة فوق خانة

===========لقمة بالرضا ياحرب ولا غصيبه

والجمل ياابن حرب وسيع ابطانه

==========كل ماتطلب الشطه ينزح حريبه

صياف:

انت رجلن لعين ولاتكب اللعانه

=========كل ماشفت لك واحد غريب اتعديبه


خلف:

ليت لك في بلد جازان دار وحضانه

=========حيث فيك الوصوف من التهامي قريبه

لاتحدد سنونك ياوليد السمانه

=========لي مخالب طوال ولي كفوف عطيبه

صياف:

انت امانه وحنا مانطش الامانه

=========دام هذي علومك فيك شكه وريبه

ليه تترك صلاتك ياقليل الديانه

=========مادريت ان جمر القبر تحت النصيبه

خلف:

صون امانتك وحرصهاا برفق الصيانه

==========واحلب العنز وابن التيس حرم حليبه

ابن عمك طبوعه قشر وسمه عفانه

==========كل ماغاب نجم بالسما ينسريبه

صياف:

صنتها صون مسلم مايعرف الخيانه

=========مار بعض الاوادم علة يندعي به

انت شاوي غدت معزاه في وسط ضانه

===========عقب قفى شبابه مابقى غير شيبه

خلف:

حط للرجل عن شوك الهراس البطانه

===========داخل لك حمى مجهول ماينمشي به

لو تضيع الغنم مانيب فارض الكنانه

===========نجد اببطش بحصنيه واضيق وذيبه

صياف:

تعرف اني ذهين ومن رجال الذهانه

===========والله ان الشراب الحلو ماتهتني به

اعرف الشجرة الي تنبت البرتكانه

===========ثم عقب العشاا قفل عليها الزريبه

خلف:

اعرف انك ولد شيطان منبع شطانه

==========سكنتك ماتجيك الا ونا في مغيبه

ودي اصدع بهذا الضلع واخلف كيانه
===========لين اهجدك والفيران ماتلتجي به

صياف :

من يهين العرب يبشر بكثر الاهانه

===========انت غايب ونا ادورك مثل الذهيبه

انت غوار والا واحد من خوانه

===========تحسب ان الجبل يطلب ويرضي طليبه

خلف:

اعرف اني عذاب المشتهي وامتحانه

===========وانته اللي تودي علم والا تجيبه

قمت تطرق لسان كنه الخيزرانه

===========ضاع وصفك بعد نصفك بغيت اتغدي به

صياف:

لو تقدر عليه من امس قضيت شانه

============مار ما اظن عندك درهم تشتريبه



تمت

[بن كليفيخ الوافي]

الله الله

يعطيك الف عاااااااااااااااااااااافيه يافيصل بن سعد الحافي

مشكور وماقصرت علي النقل والمحااوره للشاعر خلف وصياف

تقبل مروري

بن كليفيخ

[فيصل سعد الحافي]

الله يعافيك وشكرا على مرورك يابن كليفيخ الوافي

[ذعارالتوم]

اخي / فيصل

رحم الله صياف الحربي وبارك الله في خلف والشكر جزيل الشكر لك



جاك فوق الحصان الي طويل اعنانه

==============في مداهيل حرب مسرحه من عتيبه

والسنتنا لها فالحق فرض وضمانه

=============مانسوق الشباري فالعظام فالصليبه

[ناصر بن سعود]

الله يعطيك العافية


مشور وماقصرت


تحيتي

[فيصل سعد الحافي]

مشكورين على مروركم ياذعار التوم وياذيب الشعر وبيض الله وجيهكم

[بعيد المدى]

يعطيك العافيه

[برق الحيا]

الله يعطيك العافيه

[عزام]

الله يعطيك العافيه