الشاعر:فيحان بن ثمرالرقاص

[مرزوق الحافي]

فيحان الرقاص

هو الفارس والشاعر :فيحان بن ثمر الرقاص "رحمة الله"

شاعر كسرت رجله في احدى المعارك سنة 1330هـ ووضع في مدينة الشعراء مدة طويله في الجباير حتى براءت رجله وكان في هذة المدة ضيفا على امير الشعراء عبدالله بن مسعود وقد قال في هذه الفتره الكثير من القصايد وقال فيحان الرقاص يتغزل :

يالجتـي لجـلاج ذيب(ن)عوويـا =يوعي النيام اللي هواجيـع بعـواه
يقنـب ليامـن العبـاد اهجعـويـا=لجت ظلوعه وازرق الجـوع قـزاه
هيض علي هاجسي فـي الخلويـا=هاجس بعد هوجست به قلـت اواه
بنيت بيت ٍ مـن بيـوت الهوويـا=بيت طويل ولا اعمس البال مبنـاه
وليا ان قلب الـود فيـه السحويـا=يدرى الذنـوب وبيـح الله خفايـاه
ياراكـب اللـي يقطعـن الدهويـا=ستيـن عـد احسابهـم ماغوينـاه
أمـلاط مابِـردو فهـن اردفـويـا=والكل منهم تسعـة أشهـر معفّـاه
يمشون بالاثنيـن يـوم اسرحويـا=والحول هـو ميعادهـم بالموافـاه
اهل اربـع ٍ يـم الحـرم سندويـا=يوم الحرم كل من النـاس ينصـاه
ويودعونـه كـان هـم مالقـويـا=ويطق لـي بالتيـل واشـوف رداه
واهل اربع عدوا بهم فـي القرويـا=يـدورون امشذبـه مـع لـوايـاه
وعلـى ولاهـم بالفََـرَعْْ وقفويـا=وينشدون اللي غرس به ومن جـاه
ومن الفـرع يـم المدينـه نحويـا=والوقت يلهـي ركعتيـنِ مصـلاه
ومروا على قبـر النبـي سلمويـا=عسـاه يدعـي للمداويـر بدعـاه
حيـث ان ربـي فهمـه بالوحويـا=واطاع له والله على النـاس بـداه
واهل اربع ٍ في راس روم اشرفويا=واليا استضاحوا نحروهن للابْْْهـاه
واهل اربع بايمـن تعـار ازبرويـا=ومروا غراب وِ ِجَا غزوا من سراياه
واهل اربع فـوق البـرك عطنويـا=ومروا بطَيحـان الحيـا لا تغشـاه
يبون حيـا فـي الجزيـرة ربويـا=وايضا يبون الجوف والهجن تاطاه
واهل اربع في الرس عصر ٍ شدويا=يوم ٍ كل ٍ جايـب ٍ منـه مقضـاه
امسنّ عند حسيـن ثـم اجهمويـا=متبحصين اعضودهـن بالمحاظـاه
وشيفن بايسر ساق يـوم اهملويـا=ودليلهن أوميـر الاجفـر تهمقـاه
واهل اربع طبوا عنيـزه ضحويـا=البنـدر اللـي كـل حـي ٍ تمنـاه
خصّن على الاسيلم حسب المسويـا=ولفـن ابوخالـد زبـون المخـلاه
وحافوا على كيرانهـم واسرحويـا=تنصن الزلفي على حسـب ممسـاه
ثـم ابكـروا ماعندهـم لهوثويـا=وتغانمن السيف من بعـد ممشـاه
وينَشْْـدون اللـى لعشبـه رعويـا=يرد الطوال ودايم السيـف مربـاه
ياطـن يداهنـه و فيهـا الحفويـا=حتى الكويت يـدوروا فـي بنايـاه
وامن الكويت يـدورون الحسويـا=لو كان من دونه مخافـة ومظمـاه
واهل اربع من سوق خرمه سرويـا=والحافظ اللى يذبح الروض واحيـاه
ليلـة ثـلاث اوجـاب مانسمويـا=راعـي قطـر اركابهـن يتحاكـاه
واهل اربع جو ف الرياض اهتجويا=عند الامام اللـي تشبـب سرايـاه
يمسون في قصـره اليـا دورويـا=قصر ٍ محل الجود والحكـم يزهـاه
في قصـر ربـع للعـدا طوعويـا=حكام كل العِلْْْم مـن كـل مجهـاه
حتى يبـوج اصدورهـم بالعشويـا=وكيف شقا به حامسه يـوم سـواه
واهل اربع يـم الحريـق احدرويـا=واد ٍعذوقـه شرعـن فـي دقايـاه
ينشـدون وبالحـلاوي عطـويـا=وطويق كله سيـروا فـي قرايـاه
واهل اربع يم الحصـاه اصبحويـا=والدّحْْى ممساهـن علـى الله وبالله
يبـرا وَ لاناهـن الياهـو كرويـا=ومطراشها وادي الدواسـر تعـداه
واهل اربع وردن هدف واصدرويـا=ومزغمين ابدارهم مـن بـرد مـاه
اليا روحن يشـدن حبـل الرهويـا=والكـل منهـن مشيهـا ماتوانـاه
مـروا علـى الحزمـه ولاقيلويـا=نهارهـن خشـم الكريـع تمثنـاه
واهـل اربـع للحنفريـه وطويـا=ومروا على واد(ن) تساقى ركايـاه
جـوف تربـه بارسانهـن دللويـا=وراعي الخبر يختار فيهن بسـواه
واهل اربع في صير مصر اذلفويـا=دار ٍ بعيـد وخدهـا مـا وطينـاه
مدري حيـوا والا بعـد ماحيويـا=مثل المريض اللي مرغبل مراجـاه
لان كان ماجو بالغظـي لا اقبلويـا=لاشيف منهم واحد ٍ فـوق وجنـاه
ان كان ما عن صاحبـي علمويـا=ستين مـع ستيـن يفـدن يمنـاه
اول بلايه يـوم ٍ معـي ّ اقطنويـا=لاعـود الله هـجـرة ٍ عرفتـنـاه
ارجي عسى الوالي يقود الرجويـا=في واحد ٍ ما ابدى عليـه حضايـاه
كانه هديب الشـام دونـه نمويـا=يـوم يتظهـر والمدافيـع تقـفـاه
كـم سربـة فيهـا وراه اطعنويـا=يوم العـزاوي والنخـا والمثـاراه
وجدي عليهم وجـد مـن عذبويـا=كاتبهم السلطان مـن كفـوِ دنيـاه
بعـد علـى غرانهـم وادّعـويـا=ضاقت هشاميهم من الصِّيب ونـداه
والوجد الآخر وجـد قـوم ٍغزويـا=وِِِِِِ ِاخذوا وِجِحدوا في ديار الحفوفاه
تهذبـروا ومـع اللهيـب انكفويـا=والكل منهم بايـد ٍ سبـت رجـلاه
تعزمـوا حفيـا وظميـا وطـويـا=والكـل ناصـي مرزقـه ويترجـاه
واثر العرب قد صبحـوا وانجعويـا=وامسوا على جـو تعـادا ضرايـاه
تعلمـوا عـن كونهـم واعلمويـا=انه جريـر مانشـد عـن رزايـاه
ور ِدّ الجهام اللي عطُون وضْْحوويا=ماشـذ منهـم لا بعيـر ولاشــاه

[نايف مطلق بن مصيبيح]

مرزوق الحافي

بيض الله وجهك على ايراد هذه القصيده

لشاعر فيحان الرقاص رحمه الله

[بن كليفيخ الوافي]

مرزوق الحافي
بيض الله وجهك وماقصرررت
علي القصيده
للشاعر فيحان

[ذعارالتوم]

مرزوق ابوشيبه

بيض الله وجهك على هذه القصيده

لشاعر فيحان الرقاص رحمه الله

[مرزوق الحافي]

شكرا للجميع مروركم الرائع
تقبلوا احترامي وتقديري للجميع

[حافي نجد]

ابوشيبه

الله يعطيك العافيه

القصيده كنت ادورها لي فتره

رحم الله فيحان واسكنه فسيح جناته

[ناصر بن سعود]

صح لسان الشاعر والناقل

يعطيك العافية

والله يرحم فيحان ويسكنه فسيح جناته

شكررا لك

تحيتي

[ناصر الحافي]

قصيدة لأسطورة من اساطير الشعر

الله يرحمه ويسكنه الجنه


لاهنت يامرزوق وبيض الله وجهك

[مرزوق الحافي]

حياكم اخواني الأعزاء:
فيصل الحافي
ذيب شعر
ناصر الحافي

ومشكورين على مروركم الرائع

على الخير والمحبة نلتقي

[الروقي]

بيض اللة وجهك ويعطيك العافية