سلام ياعمدة القوم سلطاني

[ذيب المويه]

السلام عليكم

كيف الحال ياسلطان

بدون مقدمات

سلام ياعمدة القوم سلطاني 00 تسليمة تاخذ الرجل بالجره = تشقر عصاته وتشرب فناجيله 00 كله علشان لاحي وليحاني
اسمع كلام من الذيب سراحاني 00 مادمت ياصاحبي عاقل المره = الحمل يبغاله بعير يشيله 00 كله علشان لاحي وليحاني

[سلطان الحافي]

وعليكم السلام

الحال طيب طبت

واستلم

والمعذره على التأخير تونا طبانا

يامرحبا ياهلا ياكحيلاني 00 ترحيبةٍ تدمي الجرح وتزره = الذيب جاني وانا اقول ياحليله 00 كله علشان لاحي وليحاني
العلم جاني وابا معه برهاني 00 والذيب كبده يبا يموت محتره = يجمع حصيله وانا انثر حصيله 00 كله علشان لاحي وليحاني

[ذيب المويه]

بالهون بالهون ياطير برماني 00 لاتجيبلك داب اسود من الحره = ثم تضحك الحصني الي رفع ذيله00 كله علشان لاحي ولاحاني
جاك الخبر من رسولك سليماني 00 ماكل مره تبا تسلم الجره = الذيب لاتقربه في مداهيله 00 كله علشان لاحي وليحاني

[[.. البدر ..]]

ذيب المويه

دائم ونحن على موعد مع ابداعك في هذا القسم
خاصه سجلني من متابعينك اخوي

ولا يهون اخوي العمده سلطان

وننتظركم وكلنا معكم

[ناصر بن سعود]

صحة السنتكم


وانا في صف سلطان اجل

متااااااااااااااابع




تحيتي

[ذيب المويه]

المرتكي الله ينصر دينك ياشيخ هذا شرف لي
ذيب شعر انت الله يهديك ماعندك الاكاش حيهم مره ثانيه

[ناصر بن سعود]

اشوفكم تجمعتوا على سلطان

قلت ابي افزعله

وكذلك اعجابي الشديد في شعره

لكن العبوا لاتبردون الملعبة


يالله هذا انا مسكت الصف

[سلطان الحافي]

اشعب حصانك وانا بشعب حصاني 00 والحرب ياصاحبي فره وكره = وانا مجود عنان الاصيله 00 كله على شان لاحي وليحاني
حفضت الكتاب وقريت المثاني 00 والذيب توه بخيره وشره = يكب الفروض ويصل النفيله 00 كله على شان لاحي وليحاني

[سلطان الحافي]

المرتكي لثقيلات

مرحبا مليون

شرفتنا طال عمرك

ولاهنت

مودتي,,,,

[سلطان الحافي]

ذيب شعر

مرااااااااااحب

شرفتنا يالقرم وتنومس بوجوك وتعليقك

والصف عامر بوجودك طال عمرك

لاخلا ولاعدم

مودتي,,,,