[ محاوره ] مع الشاعر الكبير بندر الحافي

[سلطان الحافي]

السلام عليكم ورحمة الله وبركاته

مساء الخير

اخواني زوار واعضاء هذا الصرح الشامخ

عشاق المحاوره

جرت بيني وبين الشاعر الكبير : بندر بدر الحافي

محاوره عبر الجوال وتميزت بالفتل والنقض واحب اشكر شاعرنا ابو بدر على

اتاحة الفرصه لنا باللعب معه لان وبكل امانه اللعب مع شاعر بحجمه مكسب

وفائده لي ويشرفني اللعب مع مثله وشرواه


وهذا هو الطاروق بين يديكم

بندر الحافي

الليل ياصاحبي سلطان = أذعن لنا السمع والطاعه
الشعر ماينشرى بأثمان = ماهوب سلعه ولا بضاعه

سلطان الحافي

الليل والخيل والميدان = ماهي حلاوه ورضاعه
قدامك اللول والمرجان = مركبك جود لي اشراعه

بندر الحافي

انا ماشفتك مع الفرسان = والهوش مافيه فراعه
اقول لك ياشهب الجنحان = تقول شكراً من الراعه

سلطان الحافي

انا شجيعٍ مع الشجعان = ماني مثل بندر طماعه
لاجيته يقول انا غلبان = ما نرحمه نلوي ذراعه

بندر الحافي

ما قول ابك شي ياكحيلات = والظلع معوفٍ سباعه
مشيت فوقك نرى ثنتان = وانته بذانيك سماعه

سلطان الحافي

نرميك ياشلة الافغان = فوقك ترى قامة الساعه
ما طافنا شي مهما كان = احرقة ريشك بولاعه

بندر الحافي

موترك يطمر بك الجرفان = ودنياك ياخوك لواعه
ترى اللقاء حطله عنوان = شاعر كبيرٍ وله باعه

سلطان الحافي

حملت فوقك ثلاث اطنان = يابو مكينه ودفاعه
تعوم قدامك القبطان = والقرش ما تصرف ارباعه

بندر الحافي

فالهند قلي كم السكان = وكم واحدن ميتٍ ناعه
القاف ياصاح دوبه زان = والبحر الاحمر ملى صاعه

سلطان الحافي

ابو بدر ضيع البيبان = فالمملكه مابنى قاعه
لاكن ابا ملا له الميزان = كل الذهب عندي انواعه

بندر الحافي

ماجبت حجه ولا برهان = والريع ياصعب مطلاعه
دكتور وأعالج الوجعان = ادواي يقضي على اوجاعه

سلطان الحافي

تصوم وتحج في شعبان = يارجل هاذي من اطباعه
الشيخ مايوفي الديان = يدخل ولا شاف مرجاعه

صح لسان شاعرنا ابو بدر والى لقاء في طاروق آخر


مودتي,,,

[Google]

مشاء الله عليكم

شي مميز فعلا

بيض الله وجيهكم

وصح الله السنتكم

والله من مايسرنا ان نري نجوم من قبيلة الحفاه

يخوضون ميادين شعر القلطه

ونتم نجوم الله لايضركم

وفقكم الله

لكم محبين وجمهور ومساندين

تقبل تحياتي اخوي سلطان

[نايف مطلق بن مصيبيح]

بيض الله وجهك ياسلطان

وصح السانك والسان الشاعر بندر الحافي

مبدعين

تقبل تحياتي

[خالد الحافي]

صح لسانك ياسلطان وصح لسان ابو فجر

كفيتو ووفيتو

[ناصر بن سعود]

الله الله الله

محاورة قوية جداً جداً


وصح السانك ياسلطان انت وابو بدر

بانتظار الثانية بفارغ الصبر


يعطيكم العافية

مشكور ياسلطان لادراجها هنا

تحيتي

[سلطان الحافي]

قوقل

هلا وغلا يالذيب

شرفتنا طال عمرك والله لايضرك

نورة الصفحة بطلتك الجميله

مودتي,,,

[سلطان الحافي]

ابو راكان

مرحبا مليون

وجهك ابيض

وصح بدنك

والابداع مرورك هنا

مودتي,,,

[سلطان الحافي]

خالد الحافي

مراااااااااااحب

وصح بدنك

مرورك بحد ذاته شرف

مودتي,,,

[سلطان الحافي]

ذيب شعر


هلا وغلا

نورة الصفحه بحضورك الدائم

لاخلا ولاعدم

وابشر بمطلوبك

مودتي,,,

[ناصر الحافي]

صح لسانك ياسلطان وصح لسان بندر بن بدر

امتعتونا الله لايهينكم


واشكركم جزيل الشكر على الطاروق الطيب


لاتحرمنا الجديد .. بالتوفيق