تعشتنا الوحوش

[بدر الحافي]

مسا الخير ياسلطان واسمع

الليل ياسلطان علم من طمع فاغلى الطروش=قله عليها الوسم واعمار العرب دون ابلها
لولا الفشق والنار يالحافي تعشتنا الوحوش=مار احمد الله بندقي وقت الطلب يندب لها

[سلطان الحافي]

ارحب

يابدر

الليل يابدر اخذ علمٍ مانبيعه بالقروش = النفس فالدنيا تحصل كل مايكتب لها
مادام تزعم ريسٍ فالكنقرس عندك جيوش = لاطبلت لك بنت بقعاء يابدر تطرب لها

[بدر الحافي]

يبا يمارينا بيمنا لاتنوش ولا تهوش=وادبل كبدي منه ياسلطان الا وادبلها
اي والله افعل خل ابو كفن تزينها النقوش=والكايدة والمعضلة والله مانحسب لها

[سلطان الحافي]

الحرب مايبغى لسانٍ حلو ومحيا بشوش = يباك قدام العدا تنقض وتفتل حبلها

مافيه شك انته وانا يابدر شيبنا الرموش = هاذي رساله واضحه وتضاف للي قبلها

[ناصر بن سعود]

ابداع x ابداع

ياسلام عليكم واصلوا

متاااااااااااااااابع

تراني هناك يمين ماسكن الصف

لاهنتوا

[بدر الحافي]

علم بها اللي مانعده غير من ضمن العفوش = ولا بدر تنسب له الطاله وهو ينسبلها
المشكله منك انت جبت الراس والراس معروش = ليتك تدعها ياوسيع المعرفه في سبلها

سلطان


صح لسانك واعتلاء شانك

وشرفنا الطاروق معك

والى موعد آخر

[سلطان الحافي]

الحب صاف اللون يارجال لاكن مغشوش = ابظاعة الرحال كانك جيتها ياجبلها

شيبت قافك يابدر اثرك فالماقف تشوش = وسلطان لاحول معك فالقافيه مكسب لها

بدر الحافي

صح بدنك والشرف لنا طال عمرك

واشكرك على هذا الطاروق اللي شاب في بدايته

والى طاروق آخر

مودتي,,,

[سلطان الحافي]

ذيب شعر

مرحبا مليون

شرفتنا والابداع مرورك يالذيب


مودتي,,,,,,,,,

[ذيب المويه]

الليييل الليل ههههههه اللعب هذا ويش صح السنتكم جميع مبدعين يفبلو مروري

[سلطان الحافي]

ذيب المويه

هلا وغلا

نوت المتصفح يالذيب

والابداع وجودك

وصح بدنك


مودتي,,,,