قصيدة سعد الحافي في ملتقاء عتيبه لمزاين الابل

[نايف مطلق بن مصيبيح]

قصيدة سعد الحافي في ملتقاء عتيبه لمزاين الابل

انا ملـك علـى حـرار الطواريـق = تجـي طنـا والا تجينـي مهـابـه
في مثل هذا اليـوم عـز وتوافيـق = لابد نحضـر والفخـر ينحكـا بـه
يا جدودنا يا اهل المهار المعانيـق = الكـم علينـا حـق حـان الوفابـه
على هوازن والعصـور السواحيـق = لأخـر عتيبـي نفتخـر بانتسابـه
ما كنتـوا الا كالنجـوم المشاعيـق = المجـد والتاريـخ انتـم كتـابـه
ادجر على ذكر المفاخـر ولا افيـق= الا وبحـر الشعـر عـذبٍ شرابـه
وين الذي يبغـى علـوم المواثيـق = ماهـي سواليـف الرعـاه الغلابـه
حنا فخرنـا مايجـي فيـه تلفيـق = حنا فخرنـا سيـف يرعـف ذبابـه
سيـفٍ يخلـي ناطحينـه مشاليـق = سلـه عتيبـيٍ وطــوح جـرابـه
في نجد ما نحتاج راوي وتصديـق = تشهـد ضلاعينـه ويشهـد ترابـه
تمشي من الكعبة إلى قمـة طويـق = ما تمشي الا فـي مرابـع عتابـه
قبيلةٍ مـا مثلهـا فـي المخاليـق = الله عطاهـا قـو بـاس ونجـابـه
ذباحـة الحايـل كـرام مطالـيـق = لطامـة العايـل نهـار الحـرابـه
قومٍ اولـي بـاس شديـد بتوثيـق = الله ذكرهـم للنـبـي والصحـابـه
عقبان نجـد ومشفييـن الملاحيـق = لاصـاح صيـاحٍ وشبـوا لهـابـه
وانكبت السلفان ثم الجمـل سيـق = وتلافـت الفرسـان مثـل الذيابـه
وبنـوا بيـوتٍ كنهـن المشاهيـق = وساقوه فنجـال السطـر وابتدابـه
حرٍ علـى طلعـه يتـل المسابيـق = حول على شيخ الضديد ورمـى بـه
وركبن عطفهم وانقضن العشاريـق = ينخنهـم والجيـش فيـه انحطابـه
حساسهن يـوم انطلـن البخانيـق = تكفـون ياستـر العفيفـات جابـه
الخيل بالفرسـان غـارن اطاليـق = كـل ٍ يبـا فعلـه يظهـر جوابـه
ودلوا عليهم بالنمـش والمزرايـق = ضرب يورث في الشجيـع ارتعابـه
كم شيخ قوم هامهم وايبس الريـق = واليـا سلـم يعدهـا لـه كسابـه
روقي وبرقـاوي ولا فيـه تفريـق = الجـد واحـد مـا دخلهـم خلابـه
مالوا من الطايف وركبـه بتشريـق = على فقـارة نجـد حطـوا انصابـه
تمذهوا في نجـد زيـن المطاريـق = بالغصب ما جاهم من النـاس ثابـه
لولا غلا علـط الرقـاب المداقيـق = ما خاليوا بـرقٍ وعسـوا سحابـه
عفـرٍ نـدللهن بقطـف الزماليـق = لو الحيا باطراف تونس راعى بـه
تشرب من اجمام الثمل و المخاريق = وتسرح على وجه الخطر ما تهابـه
ما رددوهـن فالخمـر والمداريـق = تلقـى الجنايـز دونهنـه اركابـه
ولا ولدوهن فـي خطـاة المرابيـق = كسايـب الظفـران ماهـي جلابـه
حريبهـم دايـم رحالـه مراهيـق = حتى مـن العجـه تجيـه ارتهابـه
والا اقصراهم فالرفـاع الشواهيـق = وعانيهـم دايـم عزيـزٍ جنـابـه
اهل الثلاث البيض عنـد التحاقيـق = واهل الفزوع اللـي تـرد النهابـه
يوم ان اخو نوره رفيـع المنافيـق = قـام ونخاهـم حصـل الاستجابـه
مع بيرق التوحيد ساقـوا مساويـق = جمـعٍ عتيبـيٍ يحسـب حسـابـه
في المجمعه والحرث وايمن صعافيق = ويوم الرغامه وتربـه وش جرابـه
كم من صباح دوب شمسه تبا تويق = والعـج والبـارود لـه انضبـابـه
ثم اقتلب ليـلٍ ومـا لـه مفاتيـق = وسيوفنـا شهـبٍ لهـن انسلابـه
نضرب بها روس العصاه العواقيـق = لين اذعنوا للطـوع عقـب النكابـه
ما طـاردت خيـلٍ ومـدت تفافيـق = الا و نصـر ٍ فـوق نصـر ٍ بنابـه
ربعي عتابـه لاحكمـن المغاليـق = كم هالـكٍ نجـوه عقـب انتشابـه
ابفتخر والا الـردي خلـه يضيـق = مدحـي لجدانـي ولابـه عيـابـه
وانا ولـد حافـي كعـام المحانيـق = أمجادنا مـا هيـب لحـدن طلابـه

[المـــاســي]

صح لسانه والله رفع راس الحفاه^_^

يسلموووووو خيوو

[- الوافي -]

يعطيك العافيه

[Google]

بيض الله وجهك

نومسة الاد حافي عامه

فلك تحيه واحترام

[حافي]

يعطيك العافية وصح لسان الشاعر

[ناصر الحافي]

صح لسان الشاعر سعد وبيض الله وجهه على ماقدم جزله من جزل


سلمت ودمت يالنايف على الطرح وتقبل مروري

[نايف مطلق بن مصيبيح]

ناصر الحافي
حافي
Google
- الوافي -
ماسة الحافي

تشكرون اخواني الكرام
على المرور

[سلطان]

السلام عليكم صح لسانك ياسعد ومشكور ياخوي على كتابه الموضوع

[الباشا الهلالي]

صح لسانكـ ولسانه

[princess-el7afi]

صـــح لســـــانه ويعطيــــك العافيـــــه النــــايف ^^